→ كل الوصفات
طريقة عمل كيكة الكراميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوب ونصف دقيق ومعلقة كبيرة بيكنج بودر
- رشة ملح
- كوب إلا ربع سكر
- كوب حليب
- كوب إلا ربع زيت
- باكيت كريم كراميل
- معلقتين لبن بودر
- بيضتين
- معلقه صغيرة فانيليا
- معلقة خل [اختياري ]
- 1/3 كوب حليب لتسقية الكيكه
طريقة التحضير
- في طبق هنضيف الدقيق والبيكنج بودر ورشة ملح ونقلبهم مع بعض كويس ونحطهم على جنب
- في الخلاط هنضيف كوب إلا ربع سكر والزيت والحليب ومعلقتين لبن بودر وكيس الكريم كراميل البودرة وفانيليا ونضربهم في الخلاط لمدة ٥ دقائق
- هنحصل على خليط متجانس هنشيل من الخليط ده كباية ونحطها في الثلاجه وهنستخدمها بعد ما الكيكة تطلع من الفرن
- هنضيف بيضتين وفانيليا ومعلقة خل لباقي الخليط الموجود في الخلاط ونضربهم كويس
- في بولة هنضيف خليط الكيكه ونضيف المكونات الجافه (الدقيق والبيكنج بودر ورشة الملح)بالتدريج ونقلبهم واحدة واحدة
- هنجيب صينية وسط وممكن تبقى مقاس ٢٤ وندهنها بالسمنه ونصب خليط الكيكة فيها وندخلها الفرن مسخنه مسبقا على درجة حرارة ١٨٠ رف أوسط ونشغل الفرن من تحت الاول وقبل ما تستوي هنشغل الشوايه من فوق
- وهنختبر نضج الكيكه بخلة السنان واول ما تستوي نخرجها من الفرن ونسيبها تبرد شويه
- بعد كده هنسقيها ب ثلث كوب من اللبن بدرجة حرارة الغرفه
- اخر حاجه هنضيف الخليط اللي كان في الثلاجة ونضيف صوص الكراميل بشكل عشوائي وهنستخدم خلة السنان عشان نعمل الشكل ده وده الشكل النهائي وبألف هنا🥰💚💚
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد