→ كل الوصفات

كيكة الكريم كراميل 🍮

اللهم صل وسلم وبارك على سيدنا ونبينا محمد وعلى آله وصحبه اجمعين... وصفه لذيذة وشيك جداً.. شكر خاص لصاحبة الوصفه الاصليه doaa_taha@

  • علبة كريم كراميل دريم او حلو الشام
  • كيس لبن نيدو
  • كوب لبن
  • كوب زيت
  • كوب الا ربع سكر
  • كوب ونص دقيق منخول
  • كيس بيكنج باودر
  • 2 حبات بيض
  1. في الخلاط نضع بودرة الكريم كراميل واللبن البودرة واللبن السائل والزيت والسكر ونضرب كويس حتى نحصل على خليط ناعم نأخذ منه كوب هيكون صوص للتزيين بعد ما الكيك يطلع
  2. الجزء الباقي في الخلاط ننزل عليه بالبيض ونضرب كويس
  3. ننخل الدقيق والبيكنج باودر وننزل عليه بالخليط السائل ونقلب
  4. ملحوظه مهمه هنا لحد كدا هتلاقو قوام الكيك تقيل اذا مظبطوش القوام يبقى بعد ماتطلع وتبرد هنخرمها بشوكه او خله ونسقيها بربع كوب لبن
  5. ولو عملتم زيى وظبطم القوام باضافة ربع كوب حليب اثناء الضرب لحد ما وصلنا لقوام الكيك الانسيابى اللي كلنا عارفينه يبقى كدا تمام ومش هنسقيها حليب لما تطلع ولا حاجه عشان متعجنش مننا زي ما حصل معايا اول مره عملتها ولكم حرية الاختيار
  6. نرجع للخطوات.. ندخلها على فرن مسبق التسخين حرارة ١٨٠ لمدة ٢٠ دقيقه
  7. لما تطلع انا سبتها تبرد وضفت الصوص وزينتها بالكراميل اللي موجود مع البودرة في نفس العلبه
  8. يارب تجربوها وتعجبكم زي ماعجبتنى انا والولاد.. 🍮😍😍🍴
عجبتك الوصفة؟
شوف كل وصفاتنا في مكان واحد
كل الوصفات →