→ كل الوصفات
يا جماعة وحياة ربنا الكيكة دي سابقة طعمها ، مش قادرة اوصفلكم جمال ريحتها سكر بجد ، والطعم مش هتكلم عنه بس بجد من اسكر والذ ما اكلت 🍓🥰😋😋😋😋 #تحدي_الحروف
المقادير
- 2 بيضة
- 2 كيس فانيليا
- كوب سكر
- 1/2 كوب مربى فراولة ويفضل تكون بيتي ومخدومة 😉
- من نص كوب الا كوب الا ربع سمنة
- علبة زبادي فواكه(استخدمت بطعم الخوخ) ايوة خوخ تحفة
- 1/4 كوب لبن
- كوب ونص دقيق
- م ك بيكنج باودر
- رشة ملح
طريقة التحضير
- في بولة انزل (بيض ، فانيليا ، سكر) واضرب بالمضرب الكهربائي كويس لحد لما يبقى شبه كريمي ،
- بعدين (مربى، سمنة ، زبادي ، لبن) واضرب والمربي تكون كريمي مش قطع ،
- بعدين انزل بالمكونات الجافة واقلب في اتجاه واحد ،
- في صينية مدهونة ومرشوشة دقيق انزل بخليط الكيكة وادخلها الفرن على ١٨٠ لحد تمام السوي ،
- الكيكة دي مش محتاجة اي اضافات ولا سكر ولا صوص ولا اي حاجة خالص وبالف هنا 🙂 🍓
- ملحوظة : ممكن الوصفة كلها تعمليها في الخلاط بنفس الترتيب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد