→ كل الوصفات

كيكة بالنسكافيه ☕ وغرقانة بصوص الشوكولاتة 🍫💪

#كوكينا_Cookina كيكة بالنسكافيه وغرقانة بصوص الشوكولاتة اللذيذ😋وطريقة تحضيرها سهلة وبسيطة والشرح بتاعي بقي بالتفصيل💪وبطريقة طريفة🙈 عشان تحبيني وتحبي الكيكة بتاعتي ❤️😂 مع الشيفة ايمان👩‍🍳👩‍🍳👩‍🍳👩‍🍳 هتخلي عيشتكوا جنان 😁😁 وانجزوا وتعالوا 🤣🤣ولا احرمكوا من الاكل بتاعي وانكد عليكوا 🤔🤨🤨 #كوكينا_Cookina #كوكينا_اكلتك_علينا #وصفات_بالشيكولاتة #كيكة_بالشيكولاتة #كيكة_بصوص_الشيكولاتة #كيكة #كيكة_بصوص_الشيكولاتة_والنسكافيه #كيكة_بالكاكاو #شيكولاتة #كاكاو

  • 2 بيض🥚🥚
  • 2 كوب دقيق🍚 وحسب نوع الدقيق
  • علبة زبادي بلدي او اي نوع او يمكن استبدالها بكوب لبن🥛
  • 1/2 كوب زيت🥃
  • كوب الا ربع سكر 🍚 او كوب لو بتحبوه سكره مظبوط اكتر
  • كيس بيكنج بودر
  • كيس فانيليا
  • معلقة صغيرة خل
  • معلقة كبيرة كاكاو
  • معلقة صغيرة نسكافيه او قهوة☕
  • رشة ملح صغيرة
  • 1/2 كوب لبن دافئ او سخن🥛
  • مكعب شوكولاتة خام🍫
  • 1/2 كوب زيت🥃
  • 1/2 كوب سكر🍚
  • 1/2 كوب كاكاو او 3 ملاعق كبار
  1. اولا: طريقة الكيكة:
  2. هنحط في الخلاط البيض🥚
  3. والزبادي
  4. والفانيليا عشان زفارة البيض 😖
  5. والسكر
  6. والزيت
  7. والكاكاو
  8. والنسكافيه
  9. والخل
  10. ونضربهم كويس ضربا شديدا🏌️‍♂️
  11. هنحط الدقيق في بولة وننخلهم كويس ونحط البيكنج بودر
  12. ورشة ملح صغيرة اوعوا تكتروا احسن يبقى كيكة شوكولاتة مملحة😂 بس تصدقوا هتبقي جديدة وحلوة 🤔 اللي جربها يقولي بس ماليش دعوة بيكوا ومحدش يقول ايمان اللي قالتلي✋🤣
  13. ونخط الخليط اللي في الخلاط ونقلبه كويس في اتجاه واحد عشان الهوا مايدخلش فيه والكيكة تهبط بعد كده😄 انا قلت وخلاص وحذرتكوا✋
  14. هنجيب صينية مقاس حوالي 24 وندهنها زيت ونوزعها كويس عشان تبقي متساوية
  15. هنظبط الفرن على 180 درجة وهنسيبها ثلث ساعة ومانفتحش عليها نهائي غير لما يعدي ثلث ساعة عشان ماتهبطش ونشربها مية بسكر وبعد كده نشوفها بسبب الهبوط اللي هيجيلها😂😂 ونضغط بطرف السكينة في نص الصينية نغزها يعني بالسكينة في قلبها 🔪🔪😂لو مطلعتش عجينة يبقى استويت وزي الفل لو لسة نسيبها من 3 ل 5 دقائق بالكتير
  16. كده خلصت وهشة وطرية وعالية وامورة كده وكيوت زيي 😁
  17. يالا نعمل صوص الشوكولاتة :-🍫😋
  18. هنحط نص كوب اللبن كسرولة او حلة صغيرة
  19. وهناخد اي قطعة شوكولاتة خام... كان نفس احط قالب الشوكولاتة ده كله في بوقي واكلها 😋😋😋😋
  20. ونحطها في لبن دافي او على النار لحد لما تذوب تماما
  21. كده تمام دابت وزي الفل ونفسي اشربها بقي😋
  22. هنحطها في الخلاط
  23. والسكر والكاكاو والزيت
  24. ونضربهم كويس وهنلاقي الخليط بقي تقيل ولو لقتيه خفيف شوية حطي شوية زيت... بصوا الجمال نفس اكلها كلها لوحدي. ااه ياقلبي 💕💕
  25. هنجيب الكيكة وهي لسة ساخنة شوية عشان الصوص يسيح ونعرف نوزعه كويس ونعمل فيها اخرام بالشوكة او بالسكينة🍴 عشان الصوص يدخل جواها من كل مكان وكل حتة عشان قلت مش هسيبها غير لما اغرقها بالشوكولاتة ومش هجيبلها عوامة عشان تفضل غرقانة 😂🤣🤣
  26. ونوزع الصوص كويس بسرعة قبل ماتبرد ونحاول مانخليهاش مكلكعة
  27. ونزينها بأي حاجة ممكن مكسرات او سوداني مجروش.. انا حطيت شوكولاتة فرماسيل ملون وشوكولاتة كرسبى بيضاء
عجبتك الوصفة؟
شوف كل وصفاتنا في مكان واحد
كل الوصفات →