→ كل الوصفات

كيكة بذوق الشوكولاته (كيكة عيد ميلاد الحراير)

#حراير_الجزائري#وصفة_مشتركة #تحدي_منيو_الأسبوع(تحليتنا_اليوم)#حلويات_ومرطبات👈🏻 ليوم هو أحلى يوم للحراير و الفرحة فرحتين فرحة اول نوفمبر و ميلادنا 🍃 و بفضل الله اولا بلغنا 365 يوم من المثابرة و 12 شهر من العطاء و تقديم كل ما يليق بمطبخنا الجزائري🇩🇿 يعني عاام من المحبة و التحديات و الحب❤💐 مع بعضناا كانت رحلة مشوقة و بزااف شابة🌼 و بقوة و عزيمة حققنا نجاحات و مازلنا نتعطش الى الافضل و فوز أكبر 🥰💪🏻 و أحلى ما فيها انو كنا متحدين و دايرين اليد في اليد يعني كنا عائلة وحدة قبل ما نكونو قروب 💜❤ هدفناا كان نعرفو بالطبخ الجزائري الاصييل عبر كل العالم و مازلنا نمضي قدماا في هذا المنوال 💚🌻🌹 💗 حبينا نشكر و نوقف تحية لكل الحراير بلادي الجزائر وحدة بوحدة💝 لكل واش قدمو و واش راهم مازالو يقدمو نقولكم انتن الافضل ربي يخلينا ملمومين 🥳 و لا يتوقف هناا بالهذه البداية فقط💕 و بدون ان انسى مشرفاتناا الحلويين و نقولكن كلشي بفضلكن ✨و ربي يخليكم تاج فوق رؤسنااا👑🌹 و الله انتن مثل النسمة الحلوة لي فاتت على حياتنااا 🍃 و لكم مناا تحية عطرة 💐🌼و سامحونا في تعبكم! و ربي يحلي ياماتنا 🌸🌻 و بلا ما ننساو نرحبو بالاخت...💜💜💜 و نقولولك رحلة موفقة معانااا..🍀 👈🏻 كونو دائماا في انتظارناااا... 💕🎂

  • 3 حبات بيض
  • كاس سكر
  • كاس زيت
  • ½ كاس لبن
  • 2 كيسان فرينة
  • 2 م ك كاكاو بني
  • 2 خمارة كيميائية
  • شوكلاطة الطلي بذوق البندق
  • عنب احمر
  • ناباج للمعة العنب
  • ورقة الذهبية
  • ملاعق قهوة سريعة الذوبان لتشريب الكيكة
  1. نحط في إناء البيض مع السكر واللبن ونخلط الكل بالضراب الكهربائي مليح ثم نضيف السكر ونكمل الخفق حتى يبيض الخليط ونبدا نضيف في الزيت بالتدريج حتى يثقل الخليط ويرجع كريمي ثم نضيف الطحين الأبيض بالتدريج والخمارة الكيميائية ونكمل الخلط حتى نتحصل على خليط كريمي نضيفله ملعقتين كبيرتين كاكاو بني
  2. نأخذ صينية دائرية ندهنها بالزبدة ونرشها بالطحين الابيض(فرينة)ونحط الخليط ونسويه مليح ثم ندخله الفرن على حرارة 170درجة مدة25دقيقة حتى ينضج معنا نخرج الكيك ونخليه يبرد نسقيه بقهوة سريعة الذوبان بالفرشاة ثم نخليه بشوكلاطة الطلي بذوق البندق
  3. نزينوه بعنب أحمر وندهنوه بالناباج للمعة ونزينوه برقايق من الورقة الذهبية
  4. نقدموها بالصحة
  5. مشربة بنيينة بنة😋👌
عجبتك الوصفة؟
شوف كل وصفاتنا في مكان واحد
كل الوصفات →