→ كل الوصفات
كيكة شوكولاتة لذيذة جداً😋 وسهلة في التحضير وحشوة الكريمة مع الكيك لذيذة وتحفة جداً👌🏻 جربيها مش هتبطلي تعمليها 🤩❤️ #كيك_سهل #وصفات_كيك #شوكولاتة #جاتوه_شاتوه #كيك_شوكولاتة
المقادير
- 1 كوب سكر
- 1 كوب حليب
- 1 كوب زيت ذرة
- 1/2 كوب كاكاو خام
- 1 كوب دقيق
- 1 ملعقة كبيرة بيكنج بودر
- 1 ملعقة صغيره فانيلا سائلة
- 2 بيضة
- للحشوة نحتاج
- كمية من الكريم شانتي
طريقة التحضير
- أولاً في الخلاط حوطي الحليب والسكر والزيت والكاكاو الخام واخلطيهم مع بعض كويس لحد لما تتقل المكونات مع بعض 😍
- جيبى كوب وحوطي فيه كمية من الصوص بعد لما تقل لأن ده الصوص إللي هنحوطو على الكيك بعد كدة يعني أملي الكوب وبعد كدة دخلية الثلاجة 😍
- باقي كمية الصوص الموجودة في الخلاط حوطي عليها البيض والفانيلا وأخلطيهم مع بعض كويس جداً 😍
- جيبى طبق غويط وحوطي فية الدقيق والبيكنج بودر وقلبيهم مع بعض وبعد كدة حوطي الخليط السائل الموجود في الخلاط على الدقيق وقلبيهم مع بعض كويس بمضرب سلك يدوي😍
- جيبى صينية مستطيلة حجم وسط او مدورة المتوفر عندك وبعد كدة حوطي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
- بعد لما الكيكة تبرد قسميها نصفين وبعد كدة إحشي الكيك بالكريمة وبعد كدة حوطي عليها الصوص من فوق ودخليها الثلاجة لمدة ساعة وبعد كدة قطعيها وزينيها بالفراولة أو أي تزيين تحبية أو تسيبيها سادة من غير تزيين براحتك وقدميها بعد كدة مع كوبايه شاي حلوة او نسكافية ☕بجد لذيذة وتحفة جداً 🤩جربيها أكيد هتعجبك 👌🏻😍❤️
- 😋😋😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد