→ كل الوصفات

كيكة جلاش بالخضار واللانشون 👌

#الجمعة وصفتي النهاردة سهلة وممكن تعمليها باي مكون متوفر عندك في الثلاجة وتبدعي فيها😉 ، وهي عبارة عن جلاش طبقات محشي بالخضار ولانشون الفراخ المدخن مع جبن مشكلة وشرايح فلفل الهالبينو ورشة حبة البركة 😋 وكل دة مخبوزات في قالب التشيز كيك وطلعت بالشكل الوهمي دة وتقديم جديد ومختلف 😍 #جود_بالموجود

  • 350 جرام جلاش
  • 3 طماطم
  • 3 فلفل رومي
  • 1 بصل اخضر
  • زيتون اخضر مخلي
  • فلفل هالبينو (اختياري)
  • لانشون فراخ مدخن مقطع صغير
  • جبن مشكلة (موتزاريلا ، شيدر ، رومي)
  • ملح
  • فلفل
  • كمون
  • زعتر
  • كاري
  • بودرة ثوم على بصل
  • سمنة سايحة
  • ½ كوب لبن
  • بيضة عليها رشة (ملح ، فلفل ، زعتر)
  • حبة البركة
  1. في بولة اضع (الخضار ، اللانشون) واتبلهم بالتوابل السابقة ،
  2. في قالب التشيز كيك المدهون بسمنة اضع ورقة جلاش جزء في الصينية والطرف الاخر برة الصينية ويكون كبير عشان دة اللي هغلف بيه في الاخر الكيك وورقة كمان بس من الناحية الاخرى ، يعني كدة يبقى عندك طرفين طوال اللي هتغلفي بيهم الكيكة في الاخر تمام ،
  3. وابدأي بقي طبقي ورقة ورقة واعملي طبقات وادهني بينهم سمنة بالفرشاة متنسيش ،
  4. واحشي بين الطبقات الخضار ورشة الجبن ورشة حبة البركة وحطي جلاش وادهني سمنة وهكذا لحد لما تخلصي اللي عندك ، وتقفلي القالب باطراف الجلاش وتدهني سمنة برده ورشة حبة البركة من على الوجه ،
  5. قطعيه بالسكينة ودخليه ٥ دقائق في الفرن الاول وبعدين طلعيه ،ووزعي عليه (اللبن المخلوط بالبيض) ودخليه الفرن تاني لحد تمام السوي وبس كدة بالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →