→ كل الوصفات
دائما نعمل الكيك حلو..قلت اجدد و اعمل الكيك الحادق..و كنت تذوقت الوصفة عند صديقة و نصحتني اجربها..جربتها على طريقتي مع بعض الاضافات .عجبتني الفكرة لأن التجديد مطلوب دايما الكيك دة رائع في الفطار و مناسب طبعا لعشا كمان خفيف
المقادير
- 3 بيضات
- معلقة خل
- 1/2 كوب زيت زيتون
- كوب زعتر فريش مقصوص
- 1/2 كوب جبنة شيدر أو ميكس جبن
- 1/3 كوب جبن ابيض
- 1/3 كوب زيتون
- اي نوع لحمة او فراخ او تركي مدخن و خطوة اختيارية
- 2 كوب دقيق
- معلقة كبيرة زعتر جاف
- معلقة ص ملح
- معلقة بيكنج بودر
- علبة زبادي صغيرة
طريقة التحضير
- نضرب البيض مع الخل كويس جداً و نضيف الزيت و الزعتر و نضرب ثم الشيدر و نضرب
- ونضيف الجبنة البيضا و الزيتون و نخلط كويس و نقطع اي نوع لحوم مدخنه شريحتين او ثلاثة و نضيفهم
- و ننزل بالدقيق بالتدريج و عليه رشة الملح و ملعقة زعتر جاف و ملعقة البيكنج و نخلط المكونات جيداً و لما تختلط المواد بالدقيق اخر حاجة نضيفها علبة الزبادي و نقلب
- نصب العجين ف صينية مدهونة زيت و انا رشيت سمسم و حبة البركة فوق الوجه و تدخل فرن حامي 180 بتأخذ من 25الي 30 دقيقة على حسب الفرن
- تغيير عن الحلو و طعمها خرافة و مناسبة فطار أو عشاء جداً
- جربوها الف هنا هتعجبكم جداً
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد