→ كل الوصفات
كيكة اخترررراع بجد ، وسهلة خالص بس فكرتها جديدة وطعمها مختلف ويجنن وهيعجب اللي بيحبوا التغيير 😉 وياسلام عليها وهي طالعة ساقعة من التلاجة في الحر دة ،،
المقادير
- 2 كوب ماء
- 1/2 كوب زر ورد
- سكر حسب الرغبة
- كوب ونص دقيق
- م ك بيكنج باودر
- رشة ملح
- 2 بيضة
- 2 كيس فانيليا
- م ك ماء ورد (اختياري)
- كوب ونص سكر
- 1/2 كوب سمنة علي زيت
- 1/2 كوب عصير زر الورد بزر الورد (يعني من غير ما تصفيه)
- عصير زر ورد
- 2 باكو كريم شانتيه
- 2 فنجان صغير عصير زر الورد (مصفي)
طريقة التحضير
- اولا عصير زر الورد : في حلة علي النار اضع مكونات العصير واسيبه يغلي مع بعضه وبعدين اطفي النار واسيبه يبرد خالص ،
- ثانيا الكيكة : في بولة اضع المكونات الجافة (دقيق، بيكنج باودر ، رشة ملح) ، في الخلاط اضرب باقي المكونات بالترتيب وانزلها علي المكونات الجافة واقلب في اتجاه واحد ، بعدين انزلها في صينية مدهونة ومرشوشة دقيق وادخلها الفرن علي ١٨٠ لحد تمام السوي ،
- ثالثا التسقية : بعدين احطها في طبق التقديم واسقيها بعصير زر الورد
- رابعا الكريمة : اضرب مكونات الكريمة مع بعض بالمضرب اليدوي واضعها في الثلاجة شوية وبعدين ازين بيها الكيكة ، ورشيت علي الوجه رشة بسيطة من زر الورد وبس كدة وبالف هنا 🌷🙂
- 🔴 ملحوظة : اللي في الصورة دة هو زر الورد ومتوفر في فتح الله او كارفور او اي عطار
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد