→ كل الوصفات
Amany Eslam Kitchen وصفة كيكة لذيذة جدددا وبسيطة خالص ، بحب اعملها في قالب مستطيل كدة واسيبها في الثلاجة نص ساعة مثلا تجمد وبعدين اقطعها قطع صغيرة أصغر من الصورة كمان واحتفظ بيها في علبة محكمة وتفضلي بقي رايحة جاية علي الثلاجة لما تبقي نفسك في حاجة حلوة خودي منها حتة كدة صغيرة وادعيلي 😉
المقادير
- كوب وربع دقيق
- ¼ كوب كاكاو غامق
- م ك بيكنج بودر
- رشة ملح
- 2 بيضة
- 2 كيس فانيليا
- كوب ونص سكر
- ½ كوب سمنة علي زيت
- علبة زبادي صغيرة
- ¼ كوب لبن
- 150 جرام شوكولاتة قطع
- 2 م ك كريمة لباني
- 2 م ك لبن
- فورماسيل ملون
طريقة التحضير
- اولا الكيكة : في بولة اخلط كل المكونات الجافه (دقيق، كاكاو، بيكنج باودر ، رشة ملح) فيوالخلاط اضرب باقي مكونات الكيكة بالترتيب وانزل بيها علي خليط الدقيق واقلب في اتجاة واحد ، في صينية مدهونة ومرشوشة دقيق انزل بخليط الكيكة وادخلها الفرن علي ١٨٠ لحد تمام السوي وبس كدة ،
- ثانيا الجناش : اسيح الشوكولاتة علي حمام مائي ولما تسيح اضيف الكريمة واللبن واقلبهم براحة وبس كدة
- اقطع الكيك الاول وابدأ انزل الجناش كله علي الكيكة وافرده كدة بملعقة علي الكيكة كلها وبعدين ارش فورماسيل ملون ، وادخلها الثلاجة تبرد تماما والحنان يجمد واشيلها متقطعة في علبة محكمة الغلق في الثلاجة ،
- جربي تاكليها مع كوباية نسكافيه او اشي باللبن ، يانهار ابيض 🙈 حاجة كدة عظمة والله 👌😋 وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد