→ كل الوصفات

كيكة عيد الأضحى

طريقة عمل كيكة عيد الأضحى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 6 بيض
  • 1/2 كوب سكر
  • ملعقة صغيرة فانيلا
  • 2 كوب طحين
  • ملعقة نشا
  • ملعقة كاكاو بودرة
  • ملعقتين صغار بيكنج باودر
  • كوب ماء +ملعقة خل
  • رشة ملح
  • ملعقتين صغار محسن كيك
  • كريمة مخفوقة للتزيين
  • عجينة السكر
  • 3 ملاعق زبدة اللوتس للحشوة (اختياري)
  1. خفقت البيض مع رشة الملح والفانيلا والسكر ومحسن الكيك لمدة ربع ساعة تقريبا لحتى تضاعف حجمه
  2. ضفت الماء مع الخل وكملت خفق
  3. نخلت الطحين مع النشا والكاكاو والبيكنج باودر وضفتهم وخفقت وهون عادي لو كملنا خفق بالخفاقة الكهربائية لانه المزيج ما رح يهبط كونه موجود بالمزيج محسن كيك لهيك ما في قلق
  4. دهنت صينيتين حجم قطرهم ٢٠ بالطحينة وصبيت المزيج وبفرن حامي دخلتهم على درجة حرارة ١٧٠ لحد ما تستوي الكيكات وتركتهم يبردو بدرجة حرارة المطبخ وبعدين غلفتهم بنايلون وحطيتهم بالتلاجة لحتى يسهل علينا تقطيعهم وتزيينهم
  5. قطعت كل كيكة من المنتصف لجزئين وهيك صار معي ٤ قطع دائرية وهون دهنت كل قطعه (شربتها) بالقطر وبصير حليب او عصير او حتى نسكافيه ودهنت كل قطعه بالكريمه ورتبتهم فوق بعض انا هون خلطت زبدة لوتس مع كريمة الحشوة وبتقدرو تحشوها اي شي بتحبوه سلطة فواكة او شوكلا او نوتيلا... الخ
  6. وغلفتها كمان من برى بالكريما وتركتها تبرد بالتلاجة
  7. وبعدين رجعت زينت بالكريما بهاد الشكل (خروف العيد) بعجينة السكر اللون الاسود شكلت العيون والأنف والفم والقدمين وبورق السكر شكلت الاذنين مع عجينة السكر باللون الأبيض والأسود
  8. وهيك صارت جاهزة وحطيتها بالتلاجة لوقت التقديم لضيوف العيد
  9. هون مع ضيافة العيد وطبعا كله شغل ايدي من جوزية وشوكلا بورق الترانسفير وكعك ومعمول وكوكيز وكله نزلت طريقته
  10. وطلعت بتشهييييي وانبسطت حماتي وحماي واكلو اسلافي وسلفاتي واولادهم 😋 وكل عام وانتم بخير وصحه وسلامه يارب #رنا_فارس #ام_حمزة
عجبتك الوصفة؟
شوف كل وصفاتنا في مكان واحد
كل الوصفات →