→ كل الوصفات
طريقة عمل كيكة عيد زواجي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 بيضات بدرجة حرارة المطبخ
- كاس سكر عادي
- باكي خميرة الحلوى
- قرصة ملح
- م ص فانيلا
- كاس ونص فرينة
- كاس شاربات لي نسقيو بيه لكيكة نتاعنا
- التزيين
- غبرة شانتيه
- فواكه حسب الرغبة أو المتوفرة
- لاجولي
طريقة التحضير
- نطلع لبيض نتاعنا مع لقرصة نتاع لملح وكاس السكر حتان (حتى) يولي أبيض ويتضاعف لحجم نتاعو ومنبعد نضيفو لفرينة نتاعنا لي غربلناها بشوية ونخلطو من لفوق لتحت باش لخليط نتاعنا ما يهبطش وكي ندير أول دفعة نتاع الفرينة نفرغ معاها باكي نتاع لخميرة باش نكمل لفرينة لباقية،
- ندخل لفرينة مليح حتان (حتى) لخليط يتجانس ونفرغوه في مول يدخل للفرن يكون لفرن مسخن مسبقا على درجة حرارة 180 كي يطيب لجينواز نتاعنا نخليوه يبرد مليح باش نقدرو نزينوه
- للتزيين نطلعو كاس غبرة شانتيه مع كاس حليب بارد ومنبعد ما برد لجينواز نتاعنا نقسموه على اثنين ولا على ثلاثة وبين كل طبقة نسقيه بشاربات ونديرو كريم شانتيه حتان (حتى) نكملو طبقات ومنبعد نغلف لكيكة نتاعنا كامل بكريمة ونحطها تبرد شوية ونزيد نخرجوها نعاودولها طبقة أخرى نتاع الكريمة ونزينوها بفواكه المتوفرة وندهنو لفواكه بلاجولي باش يعطينا لمعة 💓
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد