→ كل الوصفات

كيكة عيد ميلادي 🎉🎂🎁🎀🧨🥳

#تحدي_مينو_الأسبوع #تحلية_اليوم هذي كيكة عيد ميلادي لي كان في شهر جويلية وكونت حابة نشاركها معاكم اليوم راه جامكتوبها انشاء الله تعجبكم وتستفدو منها فرجة ممتيعة 😘😘

  • 5 بيض
  • 70 غ من السكر
  • 70 غ من الزيت
  • 50 غ من الفرينة
  • م ك من الكاكاو
  • 3 م ك من الجوز المرحي
  • رشة ملح
  • م ص من الخميرة الكميائية
  • 5 غ من الجيلاتين+50 غ من الماء البارد
  • 300 غ من الشكولاطة (يمكن إستعمال مزيج بين السوداء او بي الحليب)
  • 40 غ من المرغرين
  • 250 غ من الكريمة السائلة
  • 200 غ من الكريمة السائلة
  • 2 علب من الشوكولاطة وزن 100غ يمكن إستعمال السوداء او مزيج بينهما
  • كأس سكر
  • 2 كؤوس من الماء
  • فانيلا
  • جوز
  • لوز
  • بيستاش
  • نوا أكاجو
  • كاس بودرة الشانتي
  • كأس حليب بارد
  • م ص نسكافيه
  • مكسرات
  1. بسم الله الرحمن الرحيم و الصلاة والسلام على اشرف الأنبياء و المرسلين
  2. في اناء نفرق الصفار على البياض ثم نضيف للبياض رشة ملح ونخفق جيدا بي الضراب الكهربائي حتى يتكاثف ثم نضيف السكر تدرجيا ثم نضيف صفار البيض بي الوحدة حتى نكملهم ثم نضيف الكاكاو والفرينة والخميرة الكميائية بعد ما نكون نخلنهم تدرجيا ونحرك بي سباتول من التحت للفوق حتى مطيحش لجنواز وفي الاخير نضيف الزيت والجوز المرحي ناخذ مول ندهن جيدا ونرش عليه الفرينة ونقسم الخليط الى 2 ونطيب كل وحدة وحدها نتحصل على 2 جنواز
  3. في كاس نضع الماء والجيلاتين ونخليهم ثم على حمام مريم نضع المرغرين والشكولاطة ونتركهم يذوبو من جهة اخرى نطلع لكريمة السائلة ولما تذوب الشكولاطة نضيفلها الجيلاتين ونحرك جيدا ونخليها تبرد قليلا ثم نضيفها للكريمة العائلة لي طلعنها وبكميات قليلة بسباتول من التحت للفوق حتى نتحصل على موس الشوكولاطة
  4. نبداء ندير المونتاج في سرسو نتاع الشارلوت نغلف في القاعدة بي الورق الشفاف
  5. نعمل طبقة من موس الشوكولاطة فوقها كمية من المكسرات بعد مارحيتهم خشان و ندخل المول المجمد مدة 10دقائق نخرج المول من المجمد ونضع طبقة من الجنواز ثم نسقسيها ونزيد فوقها طبقة من موس الشوكولاطة ثم المكسرات ثم طبقة الثانية من الجنواز ونزيد نسقيها وطبقة من موس الشوكولاطة ونسويها جيدا و ندخلها المجمد ليلة كاملة
  6. في الغد ناخذ كسرونة نضع فيها الكريمة السائلة ولما تسخن نضيف عليها الشوكولاطة ونحرك جيدا حتى تذوب ونحيها من النار ونضيف المرغرين ونحرك جيدا ونتركها تبرد قليلا نخرج المول نتاعنا من الثلاجة ونقلب ونحي السرسو ونقلاصي الطورطة و ندخلها لثلاجة
  7. نطلع كاس بودرة الشانتي مع كاس حليب بارد جيدا ومن ص من النسكافي ونخفقهم جيدا حتى يتضاعف نعمرو في الكيس الحلاوني ونزين الطورطة بي وردات وبعض المكسرات وشهية طيبة الحاجة لي غاضتني انا كل المراحل صورتهم وراحولي كي تخسرلي الهاتف نتاعي المهم راني شرحتهالكم شرح دقيقة صح المراحل بزاف لكن النتيجة الف مرة على لي يتباعو بارا
عجبتك الوصفة؟
شوف كل وصفاتنا في مكان واحد
كل الوصفات →