→ كل الوصفات
طريقة عمل كيكة عيد ميلاد أمي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- الجينواز
- 10 بيض
- قرصة ملح
- 2 كاس سكر
- 2 كاس فرينة
- ملعقة فانيلا
- 2 ملاعق كاكاو
- الحشو
- شرائح الأناناس
- حبات موز
- السيرو
- كاس سكر
- 2 كاس ماء
- طرونش قارص (ليمون)
- الكريمة
- كاس غبرة شانتيه
- كاس حليب بارد جداً
- علبة فلو ذوق شوكولاتة
- شوكولاتة للتزيين
طريقة التحضير
- أولا نحضر جينواز تاع فانيلا في إناء نخلط البيض مع قرصة ملح مليح ونضيف السكر ونخلط بالمكسور على نتحصل على خليط كريمي نضيف مغرف كبيرة فانيلا ثم نضيف الفرينة تدريجيا ونخلط من تحت للفوق وندخلها للفرن طيب ونخليها تبرد
- كي تبرد نقسمها على زوج بالموس ولا الخيط
- نحضر الجينواز الثانية في إناء نحط بيض قرصة ملح نخلط نضيف سكر ونخلط مليح حتى يذوب سكر نضيف 2 مغارف كبار كاكاو ونضيف كاس فرينة ونقص منها 2 مغارف كبار والفرينة نضيفها تدريجيا ونخلط من فوق لتحت وندخلها طيب كي طيب نخليها تبرد
- ونقسمها على زوج
- من جهة أخرى نحضر كريمة شانتيه نخلط غبرة شانتيه مع حليب بارد جداً حتى نتحصل على كريمة ونضيفلها علبة فلو شوكولاتة ونعاود نخلط مليح
- ونحضر شاربات تاعي في كاسرونة نحط كاس سكر زوج كيسان ماء طرونش قارص (ليمون) ونخليها طيب مدة 10 دقيقة إذا معندكش قارص (ليمون) كي طيب شاربات تاعك ضفيلها مغرف صغيرة فانيلا
- نبدأ نوجد الكيكة تاعي نحط طبقة تاع فانيلا ونديرلها شاربات وندهنها بكريمة شانتيه ونضيف فوقها شرائح الأناناس مقطعة قطع صغيرة
- نضع فوقها طبقة ثانية تاع كاكاو نشربها ونحط كريمة شانتيه وندير فوقها قطع الموز
- نزيد الطبقة الثالثة تاع فانيلا نشربها نحط كريمة شانتيه وفوقها ندير قطع الموز والأناناس
- نحط الطبقة الأخيرة تاع كاكاو ونشربها
- نغطي الكيكة تاعي كامل بكريمة شانتيه وندخلها في الثلاجة تبرد وكي تبرد ندرلها شوكولاتة من الجوانب ومن الفوق
- ونزينها بكريمة شانتيه ونعاود ندخلها للثلاجة تبرد
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد