→ كل الوصفات
طريقة عمل كيكة عيد ميلاد بسيطة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 بيضات يكونو كبار
- كاس سكر عادي
- قرصة ملح
- كاس ونص فرينة
- باكيه خميرة الحلويات
- للتزيين
- كاس غبرة الشانتيه
- كاس حليب أو ماء
- كاوكاو (فول سوداني) مرحي
- فواكه حسب لي متوفر أو حسب الرغبة
- السيرو
- كيلة سكر
- 3 كيلات ماء
طريقة التحضير
- نشغل الفرن على حرارة 180° ومنبعد نحضرو لجينواز نتاع 4 بيضات لازم يكونو بدرجة حرارة الغرفة قرصة ملح باش تعاون البيض يطلع بالخف وكاس سكر نخلطهم بالباتور حتان (حتى) يتاعف حجمهم ويولي قوام كريمي
- من بعد نضيف الكاس ونص نتاع لفرينة مع باكيه الخميرة مغربلين بالتدريج ونخلطهم من لفوق لتحت حتان (حتى) ينسجمو تماما
- ومنبعد نحط الخليط في صينية الفرن لي درنالها ورق الطهي وندخلها للفرن تطيب اي تستوي وكي تحمر نحيها ونخليها تبرد مليح باش نزينها
- وبين ما الجينواز يبرد نطلع كاس غبرة الشانتيه مع كاس حليب أو ماء المهم يكونو باردين ومنبعد نقسم الجينواز نتاعنا على 2 أو 3 طبقات وبين كل طبقة نشربوها بسيرو لنحضروه بكيلة سكر و3 كيلات ماء ونحط كريم شانتيه بين الطبقات ومن فوق نزينها بالفواكه وعلى الحواف بالكاوكاو مرحي
- وشهية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد