→ كل الوصفات
طريقة عمل كيكة عيد ميلاد 😋 (جينواز ال 5ملاعق) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 حبات بيض
- 5 ملاعق سكر
- رشة ملح
- ملعقة صغيرة فانيلا
- 5 ملاعق زيت
- 5 ملاعق فرينة
- كيس خميرة كيماوية وزن 10غ
- الكريمة الشانتيه :كأس من بودرة الشانتيه و كأس من الحليب البارد
- 75 غ من الزبدة
- 50 غ من السكر الناعم
- 50 غ من شوكولاته انا استعملت منى نتاع لحليب
- حبة موز
- استخدمت لي كان متوفر شوية عنب اخضر و برتقال
طريقة التحضير
- للجينواز : في إناء نضع البيض و السكر و الفانيلا و الملح و نطلعهم بالضراب الكهربائي (le batteur)حتى يتضاعف الخليط و يولي ابيض ثم نضيف الزيت على 4 دفعات و نواصل الخفق حتى يدخل الزيت مليح و نتوقف. العملية تأخذمن 15 الى 20 دقيقة
- نضيف الفرينة و الخميرة الكيميائية بعد ما نغربلها للخليط تدريجيا (على دفعات) و نخلط بضراب يدوي من الاسفل الى الاعلى برفق حتى نكمل كل كمية الفرينة و نديرها في اي صينية متوفرة عندكم المهم متكونش كبيرة باش تطلع مليح الفرن يكون مسخن مسبقا على درجة حرارة 180 ° عسوها لبنات هي طيب بلخف مين دخلو الموس تلقوه ناشف شعلو عليها من الفوق تحمر شوية و خرجوها
- بالنسبة للشربات درت 2كيسان ماء مع 2ملاعق كبيرة سكرو عصير نصف ليمونة و نديره على النار حتى تغلي و نطفي عليه. بالنسبة الكريمة الشانتيه درت كأس من الشانتيه مع كأس من الحليب البارد و طلعتهم. بالنسبة الكريمة شوكولاتة : درت الشوكولاته تذوب على حمام مائي مين ذوب نحوها و خلوها على جنب من جهة درت الزبدة و السكر خلطتهم مليح بالضراب الكهربائي و من بعد زدت شوكولاتة من بعد ماتكون بردت شوية و نطلع و نتوقف حتى تمتزج شوكولاتة مليح
- من بعد ندير المونتاج نتاع الكيكة :انا الجنواز كي طابت قسمتها على 4 و بديت درت طبقة كيك و شربتها مليح زدت طبقة من الشانتيه و درت طبقة من الموز و كملت بنفس الطريقة حتى اخر طبقة من الكيك. من ثم درت كريمة شوكولاتة و غلفت كامل الكيكة و ليسيتها مليح ثم ديكوريتها بالشونتي و حبيبات عنب و برتقال درتها تبرد في الثلاجة حتى وقت التقديم
- هاذ الجنواز دائما نعتمدها و هاذو اشكال ثانية خدمتهم بنفس الجينواز تجي خفيفة لبنات جربوها و يستحسن ديروها نهار قبل باش تشد روحها مليح و تجي بنينة و روعة و بالصحة و الهناء انشاء الله تعجبكم و تجربوها 😁
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد