→ كل الوصفات

كيكة فانيليا بصوص البندق 🌰

قوتلكم من الوصفة اللي فاتت وهي ( فطيرة الجلاش بصوص البندق ) ان هعملكم وصفة من باقي خلطة توريق الجلاش وهي ( الزبادي مع السمنة ) والباقي من ( صوص البندق ) وهي دي كانت النتيجة 🤩 اتمني انها تعجبكم وتجربوها عشان بجد تستحق التجربة 🥰

  • 2 بيضة
  • 2 كيس فانيليا
  • كوب ونص سكر
  • 2 م ك زبادي + نص كوب لبن
  • 1/2 كوب زيت
  • م ك خل
  • كوب ونص دقيق
  • م ك بيكنج باودر
  • رشة ملح
  • ½ كوب بندق مطحون
  • ½ كوب كاكاو خام
  • ½ كوب سكر او اكثر حسب الرغبة
  • ½ كوب زيت
  • باكو كاكاو بندق او نسكافيه بندق (اختياري)
  • من كوب الي كوب وربع لبن (حسب القوام)
  • كيس فانيليا
  • بندق مجروش
  1. اولا الكيكة : في الخلاط اضرب المكونات السائلة بالترتيب زي ما انا كاتبة لحد ملعقة الخل ، بعدين انزل بيه علي المكونات الجافة (دقيق ، بيكنج باودر ، رشة ملح) واقلب في اتجاه واحد ، في صينية مدهونة ومرشوشة دقيق انزل بخليط الكيكة وادخلها الفرن علي ١٨٠ لحد تمام السوي وبس كدة ،
  2. ثانيا الصوص : في الخلاط اضرب كل مكونات الصوص وانزل بيه علي الكيكة وارش البندق وبس كدة
  3. الكيكة دي هتلاقيها هشة جدددا ولونها فاتح من جوة خالص عشان الزبادي والخل وطعمها بجد بجد يجنن وبالف هنا 🙂
  4. 🔸️ملحوظة : انا هنا كتبت مقادير الكيكة والصوص واضحين عشان اللي مكنش شاف البوست السابق (فطيرة الجلاش بصوص البندق) ، والزبادي المستخدم في الوصفة هو الباقي من الوصفة السابقة وكان مقداره (٢ م ك زبادي + م ك سمنة) وطبعا ممكن تستخدميها في الوصفة دي عادي يعني لو هتعمليها من غير بواقي ، وصوص البندق دة مقداره الأساسي ولكن انا استخدمت الصوص الباقي من الوصفة السابقة 😉
عجبتك الوصفة؟
شوف كل وصفاتنا في مكان واحد
كل الوصفات →