→ كل الوصفات

كيكة نيسكافيه

طريقة عمل كيكة نيسكافيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • "مقادير الكيك"
  • 2 كوب دقيق
  • رشة ملح
  • ملعقة كبيرة بيكينج باودر
  • 3 ملاعق كبيرة كاكاو خام
  • 4 بيضات
  • 1/2 كوب زيت ذرة
  • 1/2 كوب ماء دافئ
  • كوب ونصف سكر
  • ملعقة صغيرة ڤانيليا
  • كيس نيسكافيه كوفي ميكس
  • "مقادير الصوص"
  • كوب ونصف لبن دافئ
  • ملعقة ونص كبيرة كاكاو خام
  • 2 ملعقة كبيرة سكر
  • "مقادير المهلبية الكريمي"
  • كوب ونصف ماء
  • 4 ملاعق كبيرة لبن بودرة
  • 3 ملاعق كبيرة سكر
  • 2 ملعقة كبيرة نشا
  • ملعقة كبيرة دقيق
  • ملعقة صغيرة ڤانيليا
  • 1/2 علبة قشطة
  • لبن مثلج
  1. نشغل الفرن على درجة حرارة ١٨٠ مئوية
  2. نخلط المكونات السائلة ف الخلاط او بالهاندبليندر في بولة كبيرة
  3. نضيف البيض والسكر اولا ونضربهم جيدًا حتى يضبح لونهم فاتح يميل للابيض مش الاصفر
  4. ثم نضيف الزيت وخليط الماء الدافئ بعد ما ندوب فيهم كيس النيسكافية
  5. ونخلطهم فترة قليلة اقل من دقيقة
  6. ثم نقوم بإضافة المكونات الجافة بس بنعديهم ف المصفاة عشان الكيك يكون هش وطري من غير تكتلات او شوائب
  7. الخليط الجاف هو الدقيق ورشة الملح والكاكاو والبيكنج باودر
  8. ندهن الصينية بالزبدة او السمن اللي متاح عندنا
  9. نقلب الخليط تمامًا ثم نصبه ف القالب
  10. نترك الخليط في الفرن من ٣٠ ل ٣٥ دقيقة
  11. ثم نجهز الصوص عبارة عن لبن وكاكاو وسكر
  12. نطلع الكيك بعد ما يستوي ونعمل اختبار خلة السنان في منتصفه لو استوى نبدأ نخرمه بالشوكة كويس فيه كله بحيث يشوب الصوص
  13. ونتركه لغاية ما نجهز المهلبية
  14. نضع المكونات في حلة صغيرة معادا القشطة واللبن المتلج ونخلطهم ع البارد ثم نرفعهم ع النار
  15. نقلب الخليط لحد ما يبقى كتلة ع بعضها كدا ماسك في بعضه
  16. نجيب بقى لبن عادي من التلاجة ومكعبين تلاتة تلج والقشطة ف الخلاط وعليهم خليط المهلبية
  17. نضربهم جيدًا وبعدين نوزعهم ع وش الكيك ونغطيه كله ونبشر ع الوش شوكولاتة
  18. ممكن تضيفوا قهوة سريعة الذوبان بدل النيسكافية وممكن بدل الكاكاو ف الصوص قهوة بردو أو نيسكافيه
  19. وع الوش ممكن تحطوا صوصات جاهزة زي الكراميل او الشوكولاتة او خليط قرفة مع سكر التزيين دا حسب زوقكوا واللي متاح عندكوا
  20. ونضعها ف التلاجة ع الاقل ٣ ساعات قبل التقديم وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →