→ كل الوصفات
طريقة عمل كيكه البرتقال بطريقه ست الكل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 اكواب دقيق
- 2 كوب سكر
- 1 1/2 باكو كيك شيف
- 2 كيس فانيليا بالبرتقال
- 3 بيضات
- 2 معلقه نشا كبيره
- ذرة ملح
- 1 معلقه كبيره خل
- كوب إلا ربع زيت
- 1 معلقه سمنه
- 1 كوب لبن او عصير برتقال
طريقة التحضير
- ننخل الدقيق في طبق غويط مع النشا والملح والكيك شيف مش محتاجين بيكنج بوزر ان الكيك شيف بديل
- نحط البيض في الخلاط ونضربه بعد كده نحط الفانيليا ونضرب وبعد كده السكر ونضرب لحط ما اللون يفتح بتاع الخليط بعد كده هنزود ملعقة الخل وبعديها الزيت والسمنه وكوبايه اللبن او العصير ونسيبهم بتاع ٥ دقائق
- بعديها هنظيف الخليط دا على الدقيق ونعجنه بالمضرب اليدوي في اتجاه واحد لو حسينا ان القوام تقيل نخففه باللبن او عصير البرتقال
- نجيب صينية وندهنها خفيف سمنه ومعلقه دقيق عشان الكيك متلزقش ونكون مسخنين الفرن قبليها ب ٥ دقائق وندخلها الفرن لمده ساعة إلا ربع او لما ريحتها تبان بعديها نختبرها بالعصيان الخشب او سكينه رفيعه من النص لو طلعت نضيفه تبقى استويت وبالهنا والشفا بلاش تقطعوها وهى ساخنه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد