→ كل الوصفات

كيكه الجلاش بالقشطه الكدابة

بصو بقا دي الكل بيعملها لكن اتحدى اي حد عملها قبلي محشيه و كمان مش اي حشو دي محشيه قشطه كدابه 😉 #ع_طريقتي جربوها ومش هاتندمو عنجد خطييييره

  • لفه جلاش
  • كوب ونص لبن
  • 2 بيضه
  • ½ كوب زبده سايحه
  • كيس دريم ويب
  • علبه زباي
  • م ك بيكنج بودر
  • 4/3 كوب سكر
  • فانليا
  • رشه قرفه
  • قشطه كدابه
  • رشه قرفه ناعمه و م ص جوز هند ناعم
  • سيرب للتسقيه
  1. لو عندك لفه جلاش أو بواقي لفه جلاش أو لفه جلاش مهربده هانرميها طبعااا لاااا خساره وألف خساره تعالى معايا نشوف هانعمل بيها اي
  2. هاندهن صنيتنا ونزبطها هانبدا نمسك بقا فتافيت الورق وطبعا حشوتنا جاهزه هاناخد م ص ونحطها ف نص الورق ونكرمشها ونرصها ونزنقها ف بعضها هاوريكي بالشرح بالصور وسنستمر ع كدا لحد ما نخلص كميه الجلاش اللي معنا 😉
  3. ف الخلاط بقا هانحط كل المكونات ع بعض.. البيض واللبن والفانليا والسكر و رشه القرفه والزبادي والبيكنج بودر و الزبده السايحه ونخلطهم كويس
  4. هاناخد الخليط دا هاننزل بيه ع الجلاش ونسقي بيه الصنيه كويس جدا ونرش ع الوش رشه قرفه و وجوز هند ناعم وندخلها الفرن ونحمرها ونطلعها نسقيها ونغطيها لحد ما تتشرب
  5. ونقطعها و نقدمها وبالهنا والشفا ✌️😍
عجبتك الوصفة؟
شوف كل وصفاتنا في مكان واحد
كل الوصفات →