→ كل الوصفات

كيكه الذره محشيه كريمه ومربه

طريقة عمل كيكه الذره محشيه كريمه ومربه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب دقيق ذره
  • كوب دقيق ابيض
  • كيس بيكنج بودر
  • معلقه صغيره فانليا بودره
  • 1/2 معلقه صغيره خل
  • 4 حبه بيض
  • كوب ونصف حليب
  • كوب الا ربع سكر
  • 1/2 كوب زيت نباتى نضيف
  • معلقه كبيره سمنه بلدى
  • الحشو
  • 5 معلقه كبيره مربه فروله
  • 1/4 كيلو كريمه
  • كوب ونصف حليب بارد
  • للتزين
  • 1/4 كوب جوز هند
  1. بسم الله نحضر صينيه كيك وسط وندهنها زيت ونرش عليها شويه دقيق ونشغل الفرن من تحت للتسخن
  2. نحضر بوله كبيره ونضيف البيض والفانليا والخل ونضربهم كويس جداً بالمضرب الكهربائى وبعدين نضيف السكر والحليب ونضرب لحد مايدوب السكر وبعدين نضيف الزيت والسمنه ونضرب
  3. نحضر بوله ونضيف دقيق الذره والدقيق الابيض والبيكنج بودر ونخلطهم مع بعض وننزل بيهم على خليط البيض ونضربهم كويس
  4. ونضيف الخليط فى الصينيه ونهدى نار الفرن وندخل الصينيه الفرن على رف السلك لمده ٢٠ الى ٢٥ دقيقه من غير مانفتح عليها الفرن
  5. نحضر الكريمه ونضيف فى بوله الكريمه والحليب ونضربهم مع بعض وندخلها الثلاجه الى ان نستخدمه
  6. بعد ماتستوى الكيكه من تحت نشغل النار من فوق لتحمير الوجه
  7. حنطلع الكيكه من الفرن ونخليها تبرد خالص ونقسمها من الوسط لزم تكون بارد الكيكه لو مستعجلين عليه ممكن بعد نقسمها ندخلها الثلاجه عشان تبرد خالص
  8. بعد مانقسمها ندهن اول طبقه المربه وبعدين نفرد طبقه كريمه ونضيف نصف الكيكه على طبقه الكريمه ونرش على الوجه جوز الهند
  9. وهنا وعافيه يارب
عجبتك الوصفة؟
شوف كل وصفاتنا في مكان واحد
كل الوصفات →