→ كل الوصفات

كيكه السحاب من غير فرن ولا بيض

طريقة عمل كيكه السحاب من غير فرن ولا بيض سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لتر لبن
  • 3 معالق سكر
  • 3 معالق بودر كاستر
  • 1/8 كريم شانتيه
  • 5 معالق نشأ
  • 2 باكت فانيليا
  • كميه من بسكوت الشاي السادة اي نوع بسكوت سادة
  • 100 جرام شوكولاته خام
  1. هنحط ف حله لبن والكاستر والسكر والنشا ونقلب علي البارد وبعدين نرفعهم علي نار هاديه مع الاستمرار في التقليب وبعدين نضيف باكت واحد من الفانيلا تستمر في التقليب لحد م القوام يتقل شويه ونغطيه ب كيس عشان ميعملش وش ونسيبه لحد م يبرد
  2. نعمل الكريم نضرب الكريم شانتيه ب شويه لبن
  3. بعدين نجيب خليط الكاستر أو المهلبيه ونحط عليه فوم الكريم شانتيه شويه شويه ونضربهم ب مضرب الكهربا لحد م نحط كل كميه الكريم شانتيه علي المهلبيه
  4. نجيب طبق ونحط فيه شويه لبن وباكو فانيلا ونقلب وبعدين نسقي فيه البسكوت ونرص اول طبقه بسكوت ف صنيه أو كاسات التقديم وبعدين نحط طبقه المهلبيه ونسقي البسكوت خفيف ونرص طبقه بسكوت فوق المهلبيه وبعدين طبقه مهلبيه وهكذا لحد م نخلص الكميه أو علي حسب الطباقات حبين قد اي قوام المهلبيه ف فيديو
  5. ندخلها الثلاجه تسقع أو الفليزر لحد م نحضر صوص الشوكولاته نكسر الشوكولاته وف بوله صغيرة نحط الشوكولاته ونحط عليها ربع كوب لبن مغلي ومعلقتين زيت ومعلقه زبدة ونقلب كويس لحد م الشوكولاته تتدوب
  6. قوام صوص الشوكولاته
  7. نحط صوص الشوكولاته علي الوش ونوزعه كويس وندخله التلاجه لمدة ساعه او ف الفليزر نص ساعه وتقدم باردة والف هنا ❤️
  8. من حلواتها اكلت نص الصينيه تحت مسمي اني بدوق😂❤️
عجبتك الوصفة؟
شوف كل وصفاتنا في مكان واحد
كل الوصفات →