→ كل الوصفات
كيكه الشاي اليومية مناسبة جداً للفطار او العشا او حتى سناكس بين الوجبات او للضيوف
المقادير
- كوب الا ربع زيت
- كوب سكر
- 2 كوب حليب ممكن استبداله بماء أو عصير برتقال او مرنده
- 3 اكواب من الدقيق ممسوحه
- 4 بيض بدرجه حراره الغرفه عشان الزيت ميفصلش
- معلقه نشا
- كيس بيكنج باودر
- ملعقة خل
- فانيليا
- رشة صغيرة ملح
- اضافه الخل و النشا هيعطو لصنيه الكيك هشهشه و ارتفاع و لون غير طب
- وغير كده ملعقة الخل هتنهي على زفاره البيض
طريقة التحضير
- اولا يتم نخلي الدقيق مره او مرتين ولازم يكون البيت بدرجه حراره الغرفه ويتم تسخين الفرن اولا لان ده بيساعدها ان هي ما تهبطش
- في الخلاط هيتم وضع البيض والزيت والسكر والحليب او بدائله مع ملعقة الخل والفانيليا ويتم ضربهم لمده ثلاث دقائق لحد ما لون الخليط يفتح
- في وعاء عميق يتم وضع المواد الجافه كامله الدقيق النشا البيكنج بودر ويتم دمجهم كويس جداً
- هننزل بالخليط السائل تدريجيا على الدقيق لازم ننزل تدريجيا بالسائل هننزل بالسائل على ثلاث مراحل
- في صينية كبيره هندهنها سمنه مع رشة دقيقه وهننزل بالخليط بعد دمجه
- اثناء دمج الخليط هنقلب في اتجاه واحد عشان ما نخرجش فراغات الهوا وده هيساعدها على انها تهبط منك لابد من التقليب في اتجاه واحد
- هنخبطه خبطتين على الرخامه وهندخلها الفرن على درجه حراره 180 من تحت بس
- مش هنفتح عليها الفرن اللي بعد ما نشم ريحتها لو لقينا اننا محتاجين نشغل الوجه هنشغله خمس دقائق
- لما الكيكه تستوي ما ينفعش نخرجها فورا من الفرن لان ده لازم نسيبها ربع ساعة في الفرن وباب الفرن مقفول
- لما نطلع الكيكه من الفرن ما ينفعش نغطيها ولا ولا ينفع نفتح عليها الفرن بعد ما تستوي الا بعد مرور على الاقل ربع ساعة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد