→ كل الوصفات

كيكه الشوكولاته بصوص الشوكولاته

مكونات صوص الشيكولاته وطريقه عمله هتلاقوها موجوده من ضمن الوصفات وصفه لوحدها ♥️

  • كوب سكر
  • 1/2 كوب لبن
  • 1/2 كوب عصير برتقال
  • 4/3 كوب زيت على سمنه
  • بيضتين
  • معلقه كبيره خل
  • معلقه كبيره كيك شيف او بيكنج بودر
  • رشه ملح
  • 1/4 معلقه صغيره فانيليا سايله
  • 2 كوب دقيق
  • 2 معلقه كبيره كاكاو خام
  • صوص الشوكولاته
  1. نحط كل المكونات السايله مع بعض ومعاها البيض ونضربها فى الخلاط
  2. نجيب بوله كبيره ونحط فيه الدقيق وننخله كويس عشان تبقي هشه ونحط معاه معلقتين الكاكاو
  3. ننزل بالسوايل من الخلاط على الدقيق ونقلب كويس بمضرب الايد فى اتجاه واحد
  4. ندخلها الفرن على درجه حراره ١٨٠ لمده نصف ساعه ومنفتحش عليها قبل كده
  5. نطلعها من الفرن ونسيبها تبرد حبه وبعدين نقطعها ونضيف عليها الصوص
  6. نزينها
  7. دخليها التلاجه تبرد شويه وتتقل وبالهنا والشفا ❤️🥰
عجبتك الوصفة؟
شوف كل وصفاتنا في مكان واحد
كل الوصفات →