→ كل الوصفات

كيكه الشوكولاته بصوص الشيكولاته

كيكه خفيفه لعشاق الشيكولاته يارب تعجبكم 💖

  • 2 ونصف كوب دقيق متعدد الاستخدامات
  • 1 كوب كاكاو خام
  • 3 بيضات في حرارة الغرفة
  • 2 كوب لبن (حليب)
  • كيس بيكنج بودر
  • معلقتين صغيره فانيليا سائله أو كيسين فانيليا
  • 1 كوب زيت
  • معلقتين كبار سمن
  • رشة صغيره ملح
  • 2 ونصف كوب سكر
  • معلقه صغيره قهوه سريعه الذوبان
  • ربع ملعقه صغيره بيكربونات الصودا
  1. في الخلاط نضرب البيض مع معلقة فانيليا او كيس واحد لمدة ٢ دقيقه ثم يضاف *كوب ونصف فقط من مقدار السكر و*كوب واحد فقط من مقدار الحليب ويضرب حتى يذوب السكر ونضع معلقه القهوة سريعة الذوبان ونضرب جيداً ثم نضع *نصف كوب فقط من مقدار الزيت مع معلقة ونصف من مقدار السمن تدريجياً ونضرب حتى يتجانس تماماً ممكن طبعا تريحو الخلاط قبل وضع الزيت والسمن عشان ميسخنش منكم 😇
  2. في طبق جاف ننخل الدقيق مع البيكنج بودر مع نصف كوب من مقدار الكاكاو وذرة الملح و بيكربونات الصودا وننزل عليهم بالسوائل المضروبة في الخلاط تدريجياً مع التقليب المستمر بمعلقه او مضرب يدوى عشان ميكلكعش لحد ما نخلط جميع المقادير كويس وفي صنيه مقاس 26 ندهن نصف معلقه السمن المتبقي ونبطنها بالدقيق ونصب الخليط وندخله الفرن المسخن مسبقا على الرف الاوسط ونار هادئة لمده 40دقيقه بس ممكن تبصو عليها بعد نصف ساعه وندخل خلة اسنان في النص اذا طلعت نظيفه تبقي استوت
  3. اثناء التسوية نعمل الصوص كوب لبن مع نصف كوب كاكاو خام مع كوب سكر مع معلقة او كيس فانيليا ونضرب في الخلاط ونضع الزيت تدريجياً لحد ما يتقل معانا الخليط ويكون كريمى مش جامد واول ما نخرج الكيكه نشكشكها بالخلة و نصب الخليط عليها ونسيبها تبرد خالص ونزينها بالمتوفر لو مفيش مش مشكله ونقطعها ونقدمها بالف هنا وعافيه 💖
عجبتك الوصفة؟
شوف كل وصفاتنا في مكان واحد
كل الوصفات →