→ كل الوصفات

كيكه عاديه بطريقه جديده

طريقة عمل كيكه عاديه بطريقه جديده سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب دقيق
  • 3 بيضات
  • 3 معلقه زيت نباتي
  • كوب سكر ناعم
  • كوب ونصف حليب سايل
  • معلقه كبيره خل ابيض
  • كيس كيك شيف
  • معلقه كبيره محسن جل
  1. نحضر بوله ونضيف البيض والخل والسكر ونضربهم كويس لحد مايبقا لون البيض فاتح وبعدين نضيف الحليب والزيت ونضربهم بالمضرب الكهربائي لمده خمس دقائق
  2. في بوله ننخل الدقيق مع الكيك شيف وننزل بيه بالتدريج على خليط البيض ونضرب اول مانخلص من الدقيق نضيف المحسن ونضرب لمده عشر دقائق
  3. نحضر حله الكيكه العاديه وندهنها زيت ونرش عليها دقيق ونضيف خليط الكيك
  4. الفرن زي كل مره بتشغله قبل ماندخل الكيكه بربع ساعة وبعدين ندخل الكيكه على رف السلك مش بنفتح عليها الفرن غير بعد مرور ٢٠ دقيقه
  5. وهنا وعافيه عليكم يارب ودى صوره الكيكه من جوه
  6. طريقه الكيكه دى مختلفه شويه اولا الكيك شيف ممتاز جداً وافضل من البيكنج بودر العادي ثانيا المحسن الجل روعه روعه بيخلى الكيكه تبقى غاليه وخفيفه قوى
عجبتك الوصفة؟
شوف كل وصفاتنا في مكان واحد
كل الوصفات →