→ كل الوصفات

كيكه فانيليا سهلة وهشه واحلى كيكه فانيليا هتكلوها 🤝🌿

و بعد تجارب و وصفات كتير جداً جداً ل كيك الفانيليا اقدر اقلكم مفيش احلى ولا اجمل من الكيك دى و لازم تعتمدوها ، حقيقى وصفه جميله و سهلة و سريعة و احلى كيكه فانيليا هتاكلوها بجد هشه و مفهاش اي ريحه زفاره ،بالمضرب اليدوي ، فظيعههه ، بس انا بجد نسيت اصور وانا بعمل الخطوات 😂😂😂😂😂

  • كوب و ربع سكر (ممكن كوب)
  • 4 بيض
  • معلقه صغيره فانيليا او 2 باكيت
  • كوب الا ربع زيت
  • 2 كوب و نصف دقيق
  • رشه ملح
  • معلقه كبيره بيكنج بودر
  • كوب حليب دافئ
  1. يلا بسم الله مع بعض كده هنقول خطوه خطوه و نلتزم بالخطوات علشان تطلع مفهاش ولا غلطه 😍، اول حاجه هننخل الدقيق و في طبق على جنب ، بعد لما ننخله نحط عليه البيكنج بودر و الملح
  2. هنجيب بوله و نحط فيها البيض بدرجه حراره الغرفه و الفانيليا و نضربهم مع بعض بالمضرب ، و نحط السكر و نضرب لمده 5 دقائق ، او لغايه لما القوام يتقل سيكا و اللون يفتح شويه ، نروح حطيت الزيت و نديهم ضربه ، نحط الحليب بعد لما ندفيه و ده سر من اسرار هشاشه الكيك و طبعاً ندفيه بس مش نسخنه 😂
  3. نحط المواد الجافه في المصفاه و ننخلهم فوق الخليط و نقلبهم كويس في اتجاه واحد ، نسخن الفرن كويس ، ندهن الصينية زبدة و دقيق نبطنها يعنى ، نحط فيها الخليط ، نخبط الصينية حوالي 3 او 4 مرات علشان الهوا يطلع الجوه يطلع ندخله الفرن بعد لما نتأكد انو سخن كويس ، أكده على كل البشر ان محدش يفتح الفرن علشان الكيك يرتفع 😂 ، الصينية مقاسها 28 سم ، هتقعد حوالي 28 دقيقه في الفرن ، بعد 25 دقيقه افتحه الفرن و شوفوا او ممكن بعد 20 دقيقه ، المهم لما تبتدى ريحه الكيك تطلع افتحوا الفرن بس حتى صغيرة كده
  4. بحيث انكم تشوفوا الكيك علشان ميتحرقش لأنها بتختلف من فرن للتانى ، و في نفس الوقت لو لسه مستوتش تبقوا فتحتوا حتى صغيرة من باب الفرن ف ان شاء الله متهبطش ، المهم طبعاً علشان تعرفوا استوت ولا لا دخلو سكينه او خله سنان لو طلعت نضيفه يبقى استوت خلاص ، قطعوها بقى و كلوها و الف هنا 💞 ، و عايزه اقول كمان ان الفيديو ده بعد لما باتت الكيكه ، و مع زلك هي لسه جميله برضوا 😂⁦❤️⁩
عجبتك الوصفة؟
شوف كل وصفاتنا في مكان واحد
كل الوصفات →