→ كل الوصفات
طريقة عمل كيكه موز 🍌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 بيضات
- 1/2 كوب لبن
- 4 حبات موز كبير او 5 صغيرين
- 2 كوب دقيق
- 1/2 كوب سمنه
- 1/2 كوب زيت
- معلقه كبيره فانيليا سائله
- كيس كيك شيف
- معلقه صغيره خل
- كوب سكر
- معلقه قرفه مطحونه ممكن ما تتضفش حسب الرغبه
- شوكولاته قابله للدهن او خام سائله
- قطع موز وفراوله للتزيين
- رشه ملح
طريقة التحضير
- نضرب البيض في الخلاط لمده دقيقه ثم نضيف عليه السكر والزيت والسمنه والفانيليا واللبن ومعلقه الخل ونخلطهم سوا لمده دقيقتين
- ننخل الدقيق وعليه كيس كيك شيف في طبق لوحدهم وعليهم القرفه
- وننزل بيهم بالتدريج علي للخليط الي في الخلاط ونقلب بي معلقه او مدرب سلك
- وندهن صنيه مقاس 28 بالزين ونصب فيها
- ونحطها في فرن سخن علي درجه 180 ولو فرن كهربه تبقي درجه 200 ونشغل المروحه لمده بتاخد من 30 دقيقه لي 45 علي حسب الفرن ولما نحس انها جهزت نعمل اختبار بخله نشوفها استوت ولا لسه
- ولما تخلص نسيبها تبرد وبعد كده نقلبها في طبق التقديم وندهن عليها شيكولاته ونرش رشه قرفه ونزينها بالموز والفراوله
- وبالهنا ❤❤❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد