→ كل الوصفات

كيك البابا 🥯🥯

طريقة عمل كيك البابا 🥯🥯 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 200 جرام دقيق
  • 50 جرام زبده بحراره الغرفه
  • معلقه ك سكر
  • معلقه ك خميره
  • ½ كوب لبن
  • 2 بيضه
  • فانليا
  • الشربات
  • كوب وربع سكر
  • كوبين ماء
  • عصره لمون
  • فاكهه مقطعه
  • باستري كريم
  • صفار بيضتين
  • ربع كوب نشا
  • كوب حليب
  • 3 معالق ك سكر
  1. بسم الله هنحط السكر والخميره مع اللبن ونسيبهم يخمروا علي جنب و في العجان هنحط الدقيق والبيض والفانليا ونضربهم وبعدين نحط الخميره ونضربهم ونضع الزبده ونفضل نضرب دقيقتين لغايه ما يكون الخليط بيمط احطها في بوله لغايه ما تخمر
  2. في الوقت ده اعمل الشربات واسيبه يبرد واعمل الباستري كريم اجيب بوله احط فيها صفار بيضتين وعليهم فانليا وربع كوب النشا والسكرواقلبهم كويس واسخن اللبن علي النار يغلي وانزله علي خليط النشا وصفار البيض حبه صغيرين واضربهم بمضرب البيض بسرعه وأفضل اعمل كده لغايه ما أخلص اللبن ارجعه تاني علي النار لغايه ما يثخن ممكن تغيري من طعمه انا حطيت عليه بيوريه مانجو
  3. لما العجين يخمر اجيب قالب الكب كيك واجيب كل ورقه وادهنها زبده كويس وبالمعلقه احط في كل ورقه واسيب الصنيه تخمر قبل ما ادخلها الفرن وادخلها علي ١٨٠ درجه بتاخد تقريبا ٢٠ دقيقه
  4. واول ما تطلع من الفرن وهي سخنه احطها في الشربات لغايه ما تتشرب كويس واطلعها علي شبكه تصفي الشربات وبالسكينه افتحها واحشيها من الباستري كريم واحط من فوق الباستري كريم واحط الفواكه المقطع ولتلنيعها نحط عليها شربات سخن
  5. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →