→ كل الوصفات

كيك الخلاط اليومى(واسباب نجاحه)

ابيض وهش ومرتفع وطرى وطعم ولااروع

  • 3 بيضات
  • م ص فانليا
  • كوب سكر
  • كوب زيت
  • 2 كوب ونص دقيق
  • م ك بكنج بودر
  • كوب الا ربع لبن حليب
  • عصير ليمونة وبشرها
  • علبة زبادى ص
  • 1/2 م ص بكنج صودا
  • م ص خل
  1. ضربت البيض والفانليا والسكر مع عصير الليمون والبشر فى الخلاط(الليمون بيقضى على زفارة البيض وبيفتح لون الكيك
  2. ضيفت الزيت بالتدريج وضربت
  3. نزلت عالنواشف دقيق وبكنج بودر ياريت نوع كويس عشان مايغمقش الكيك ومانكترش الكمية عشان ماتشقش وماتعملش ثقوب كتير
  4. ضيفت الحليب والزبادى واخر حاجة البيكنج صودا مع الخل هاتعمل فوران وتنفخ الكيك كمحسن طبيعى وتصب فى صنية مدهونة
  5. تدخل فرن مسخن ١٨٠ مدة ٣٥ ق مانفتحش عليها وبعد مانطفى نوارب الباب ونتركها ٥ ق داخل الفرن عشان ماتهبطش
  6. تهدى ونقلبها على طبق وبلاش نقطعها وهى سخنة عشان ماتتكسرش
  7. تقطع وتقدم بالف هنا
عجبتك الوصفة؟
شوف كل وصفاتنا في مكان واحد
كل الوصفات →