→ كل الوصفات
كل عام وانتم بخير وصحة وراحه بال عام سعيد عليكم جميعا المشرفات ومتابعين الجمال اخواتي وبناتي والشيف حمدي اخويا الجميل وسنه سعيده على بنوته الجميله ويا رب السنة الجايه يتحقق كل أحلمكم هديه بسيطه بمناسبه السنة الجديده كيك السينابون يا رب تعجبكم
المقادير
- 2 كوب دقيق منخول
- 1 كوب سكر
- 4 عدد بيض
- 1/2 كوب لبن مع كوب إلا ربع زيت
- 2 معلقه زبادي
- معلقه كبيره بيكنج بودر
- معلقه صغيره فانيلا
- رشه ملح
- معلقه قرفة كبيره
- معلقتين كبار سكر بني اوي ابيض
- معلقه كبيره كاكاو خام
- الصوص الابيض
- كوب لبن بودر
- كوب سكر بودر
- 1/2 كوب ماء مغلي
- كوب جبنة كريمي ساده
- معلقه فانيلا مع ملعقة زبدة
- صوص الكرميل
- كوب سكر
- كوب كريمة طهي
- معلقه زبدة تكون نوعها كويس
- صوص الشوكولاتة اللي انتي تفضليه انا استخدمت نوتيلا
طريقة التحضير
- بسم الله نحضر بوله فيها البيض والسكر والفانيليا ونضربهم بالمضرب الكهربائي لمده خمس دقائق لحد ميوصل للون الفاتح نضيف اللبن والزيت والزبادي ونضربهم مع بعض
- نكون محضرين المواد الجافه الدقيق مع البيكنج بودر ورشه الملح ونقليها كويس مع بعض
- نضيف المواد الجافه بالتدريج على خليط السائل وتضرب لحد ميختفي الدقيق
- نحضر صينية الكيك ندهنها زبدة ورشه دقيق ونضع نص خليط الكيك ثم نرش عليها حشوه القرفة مع السكر والكاكاو ثم نضيف باقي خليط الكيك
- ندخلها على فرن ساخن مسبقا على درجه ١٨٠ على الرف الأوسط لو في مروحه تشغلها بعد نص ساعة تستوي
- نحضر الصوص الابيض في الخلاط نخلط كل المكونات مع بعض
- صوص الكرميل في طاسه على النار نضع السكر ياخذ لون ذهبي نضيف الكريمة والزبده ونقلب سريعا وتكون الكريمة بدرجه حراره المضبخ
- نضع الصوصات على الكيك وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد