→ كل الوصفات
كيك بالشوفان والتمر والقرفة طعمه تحفففة وكمان مفيد للي بتعمل دايت 😍
المقادير
- 1 كوب لبن
- نص كوب بلح مقطع صغير (التمر)
- رشة كربوناتو
- 1 كوب دقيق شوفان أو نجيب شوفان ونطحنه
- 1 كوب دقيق ابيض عادي
- 2 بيض
- ½ كوب زيت
- ½ كوب سكر او عسل ابيض
- كيس فانيليا
- معلقة صغيرة بيكنج بودرة
- معلقة كبيرة أو اكتر قرفة
- رشة ملح
طريقة التحضير
- هنحط البلح المتقطع على اللبن ويكون سخن وعليهم رشة صغيرة جداً من الكربوناتو ونقلبه ونركنه على جنب
- هنحط البيض عليه الفانيليا والسكر والزيت والقرفة ورشة الملح ونضرب بالمضرب كويس
- بعدين نضيف الشوفان والدقيق الأبيض المنخول ونقلب وفي الاخر هنضيف اللبن اللي عليه البلح ونقلب الخليط كويس
- هنحط الخليط في صينية وسط مدهونة زيت في فرن درجة حرارته 180 درجة أو حرارة متوسطة للي ما عندوش درجات بتأخذ تقريبا نص ساعة والف هنا وممكن كمان نزين الوجه بتاعها بشوفان مش مطحون يدي شكل بس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد