→ كل الوصفات

كيك العشر دقايق لبتوع الدايت 🤓💫

طبعا لازم ندلع حبايبنا البيعملوا دايت ،و نعملهم كيك تحفهه ، سريع ، شكله قمر ، طعمه قمرين 😉⁦⁦❤️⁩ ، الوصفه دى تالت مره اكتبها اقسم بالله ،كل شويه ادوس على السهم و اطلع من غير ما اقصد ،ف تقدييير بقااا عيب كده الااه 🥺

  • بيضه بدرجه حراره الغرفه
  • 4 م ك دقيق شوفان او قمح
  • 4/5 م ك لبن ساخن
  • م ك بيكنج بودر
  • م ك كاكاو خام مر غير محلى
  • م ك عسل ابيض او باكت سكر دايت
  • م ص زبده فول سودانى
  • رشه ملح
  • الصوص = مكعب شوكلاته دارك + م ص زبده فول سودانى
  1. يلا نسمى الله و نبدأ ، بوله على جنب و نحط فيها كل المكونات الجافه و نقلب
  2. نحط البيضه و العسل و زبده الفول السودانى و نقلب كمان مره
  3. نحط شويه اللبن بتوعنا و نقلب تانى معلش 😂 ، هيطلع معانا القوام ده ، نحطه بقا فى طبق قابل للحراره و ندخله الفرن حوالى 10 دقائق
  4. نعمل الصوص (طريقته فوق) و مش لازم اساسا ، و بالهنا و الشفا 🤩
عجبتك الوصفة؟
شوف كل وصفاتنا في مكان واحد
كل الوصفات →