→ كل الوصفات

كيك الفانيلا بحشوة الكريمة ومربي الفراولة 😋💓

كيكة لذيذة وحشوة الكريمة مع مربى الفراولة حلوه أوي جربيها هتعجبك جداً😉👌 #حلويات_2020

  • 3 بيضات
  • 2 كوب دقيق
  • 1 كوب لبن
  • 1 كوب سكر
  • 1/2 كوب زيت
  • 1 كيس فانيلا
  • 1 ملعقة كبيرة بيكنج بودر
  • 2 كيس كريم شانتيه
  • 5 ملاعق كبيرة مربى فراولة
  • فراولة للتزيين
  • سكر بودرة للتزيين
  1. أولا في طبق غويط هنضع البيض والسكر والفانيلا ونخلطهم مع بعض بمضرب كهربائي كويس جداً وبعد كدة هنضيف الزيت واللبن ونخلطهم مع بعض 😍
  2. نضيف بعد كدة الدقيق والبيكنج بودر ونقلبهم مع بعض وأنخلي الدقيق عشان الكيك يكون هش معاكي😍
  3. إحضري صينيه مقاس وسط وادهنيها بالزبده ورشيها بالدقيق وبعدين ضيفي خليط الكيك ودخلي الصينيه الفرن على درجة حرارة 180 حوالي 1/2 ساعة ولما تستوي خرجيها من الفرن وسيبها تبرد 😍
  4. قسمي الكيك بعد كدة نصفين وحوطي بعد كدة المربى والكريم شانتيه على طبقة من الكيك وحوطي بعد كدة الطبقتين على بعض ورشي عليها سكر بودرة وزينها بالفراولة وقطعيها وقدميها بعد كدة واستمتعي بالطعم الجميل بجد ميكس مربى الفراولة مع الكريمة حلو اوي وطعم الكيك حلو اوي جربيها هتعجبك جداً👌 وبالعافيه عليكى حبيبتي😘❤️🌷
عجبتك الوصفة؟
شوف كل وصفاتنا في مكان واحد
كل الوصفات →