→ كل الوصفات

كيك الكريم كراميل 🤔

انسوا اي وصفة حلويات هي دي القااااضصييةةة ومن غير وقت خالص 😍😍😍 ممكن اوي بدل ما تتعمل ف طبق كبير تتحط ف كوبايات 😉

  • 2 باكو بسكويت شاي
  • معلقة نسكافيه مذوبة في قليل من الماء أو الحليب
  • كيس كريم كراميل بالشوكولاته
  • كيس كريم شانتيه
  • كيس نسكافيه أو معلقة كبيرة نسكافيه (اختياري بس طعمها قمر)
  • كوب حليب بارد
  • ربع كوب كاكاو خام اختياري بس بيدي طعم خطير
  • معلقة صوص كراميل (اختياري)
  1. في الخلاط نحط الحليب مع كيس النسكافيه و كيس الكريم كراميل (البودر فقط الكراميل السائل مش هنحطه) و صوص الكراميل و الكاكاو و الكريم شانتيه و نخلط
  2. هنجيب البسكوت و نسقيه بخليط النسكافيه مع الماء أو الحليب و نرص طبقة ف طبق التقديم و نحط طبقة من خليط الخلاط و طبقة تانية من البسكوت و آخر طبقة خليط الخلاط و ندخل ع التلاجة يتماسك و نطلعه نزينه (انا هنا زينته ببسكوت مطحون و الكراميل اللي بيجي مع علبة الكريم كراميل) وبألف هنا وشفا🥰
  3. ممكن لو عاوزين بدل الطبقة التانية بسكوت نحط طبقة كريمة و هيبقي الترتيب: طبقة بسكوت وطبقة خليط خلاط وطبقة كريمة وطبقة خليط خلاط
عجبتك الوصفة؟
شوف كل وصفاتنا في مكان واحد
كل الوصفات →