→ كل الوصفات
سهلة وبسيطه جنب الشاي أو للولاد في اللانش بوكس 🙃
المقادير
- كوب عصير يوسفي مصفى
- كوب زيت
- كوب سكر
- 3 اكواب دقيق
- 4 كيس فانيليا
- كيس بايكينغ باودر
- معلقه صغيره خل أو عصير ليمون او رشة ملح المتاح ليكوا
- يوسفي مقطع وركزى على التركايه الاخيره بخصوصه 😉
- صينية مدهونة بالسمنه
طريقة التحضير
- في الخلاط ضيفي كل المكونات السائلة معادا البيكنج بودر وخليهم يتمزجوا كويس جداً
- في بوله أو طبق كبير انخلى الدقيق مع البيكنج بودر وخليهم يتمزجوا كويس جداً لو مش عندك غربال استخدمى مصفى
- ضيفي اللي في الخلاط بالتدريج ولو معيارنا اختلف ولقيتى عجين الكيك خفيف زودى دقيق متقلقيش ولو تقل زودى عصير يوسفي وقلبى باتجاه واحد عشان متهبطش منك
- قطعى اليوسفي ورصيه في الصينية وانزلى بعجين الكيك وفي فرن متوسط الحراره ١٨٠ تتسوى لمده ٢٥ دقيقه وافتحى واختبرى خبزها بخله اسنان تبرد وقطعى وقدمى لكل حبابيك وبالف هنا ❣️
- تركايه صغننه متحطيش فيها قطع يوسفي من الاخر بيمرر مع الوقت ومش احسن حاجه في التسويه وده محدش هيقولك عليه 😂😂 اعملى صوص يوسفي أو من فوق مربى. لوحدها جميله..وتكفى أنها من ايدك بس🙃
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد