→ كل الوصفات

كيك بالبرتقال

كيك هشه روعه بالبرتقال 😋

  • 3 أكواب دقيق أبيض
  • كوب ونصف لبن
  • كوب ونصف سكر
  • كوب زيت كريستال او عافيه او اي نوع زيت تفضله
  • 3 بيضات
  • 2 كيس فانيليا وكيس بيكنج بودر
  • 2 برتقاله
  1. أولا: هنجيب طبق غويط وننخل الدقيق وبعدين نضيف عليه البيكنج بودر
  2. ثانيا: وبعدين نغسل البرتقال ونجيب المبشره ونبشر حبه من قشر البرتقال ف طبق
  3. ثالثا: ف الخلاط هنحط البيض والسكر والزيت واللبن ونعصر عليهم البرتقال ونحط قشر البرتقال اللي بشرنا والفانيليا ونضربهم كويس ف الخلاط
  4. رابعا: ننزل بالخليط ع الدقيق وبالمضرب السلك نقلب لحد مانوصل لقوام حلو نجيب صنيه مقاس 35 سم وبالفرشه ندهن الصنيه سمنه ونرش شويه دقيق نبطن الصنيه بيهم وبعدين ننزل بالخليط ف الصنيه وندخله الفرن ساخن من قبل
  5. خامسا : نحط الصينيه ع الشبكه اللي تحت لحد اما تستوي وبعدين نشغل الشويه عشان وشه يحمر ومش نفتحه عليه غير لماتستوي ونجيب عود خله نغز بيه الكيك كده نشوفه استوت ولا لسه فيه عجين لو طلع ناشف يبقا استوت نطلعه ونسبها تبرد وبعدين تتقطع ولو لسه فيه عجين نسبها شويه ونشغل النار من تحت بس متوسطه ونطفي من فوق عشان الوش مش يتحرق وبالهنا والشفاء
عجبتك الوصفة؟
شوف كل وصفاتنا في مكان واحد
كل الوصفات →