→ كل الوصفات
كيكة الزبادي من أنواع الكيك المميز واللذيذ😋 مكوناتها بسيطة وسهلة موجودة في كل بيت☺️ وطريقة تحضيرها مفيش أبسط من كدة في الخلاط الكهربائي😎 لو نفسك في حاجة حلوة سريعة🏃♀️ ولذيذة جربي كيكة الزبادي تحفة جداً 🤩✌️ #المريول_الذهبي #كيك #كيك_سهل #وصفات_كيك
المقادير
- 2 كوب دقيق
- 2 عدد بيضة
- 1 كوب زبادي
- 3/4 كوب زيت ذرة
- 1 كوب سكر
- 1 ملعقة كبيرة بيكنج بودر
- 1 ملعقة صغيرة فانيليا سائلة
- 1 ملعقة كبيرة خل
طريقة التحضير
- أولاً جيبي حاجة مناسبة وحوطي فيها الدقيق والبيكنج بودر وقلبيهم مع بعض كويس 😍
- جيبى الخلاط الكهربائي وحوطي فية الزيت والبيض والسكر والفانيلا والزبادي والخل وأخلطيهم مع بعض كويس جداً لحد لما الخليط يكون لونه أبيض 😍
- ضيفي الخليط السائل الموجود في الخلاط على الدقيق وقلبيهم مع بعض كويس جداً بمضرب سلك يدوي لحد لما تختفي كل حبيبات الدقيق 😍
- جيبى صينية الخبز وادهني الصينية بالزيت وحوطي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
- قطعي الكيك بعد كدة وقدمية مع كوباية شاي حلوة او نسكافيه أو قهوة بجد حلوة ولذيذة وسهلة في التحضير جربيها أكيد هتعجبك😍
- وممكن تدهني الكيك بمربى مشمش او عسل وتحوطي عليها جوز هند بجد بيكون طعمها حلو أوي دا اوبشن تاني ممكن تعملية🤩🤩🤩
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد