→ كل الوصفات

كيك بالكريمة والكاسترد مغطى بالفراولة والجيلي

هو صنف خفيف و حلو ممكن يكون صيفي شوية بس موسم الفراولة مغري أننا نجرب كل حاجة و عملت الكيك خفيف وحطبته ف صينية كبيرة عشان يبقى طبقة مش عالية لأن لسة في طبقات تانية

  • 3 بيضات
  • م ص فانيليا
  • كوب سكر
  • كوب الا ربع لبن
  • كوب الا ربع زيت
  • 2 كوب دقيق
  • رشة ملح
  • معلقة كبيرة بيكنج باودر
  • كوب الا ربع لبن لتسقية الكيكة
  • 2 كوب لبن
  • معلقتين كبار كاسترد
  • معلقتين كبار قشطة
  • ½ كوب كريمة
  • شرائح فراولة
  • 2 باكو جيلي
  • 2 كوب ماء
  1. نضرب كل السوائل مع بعض.... البيض واللبن والسكر والزيت والفانيليا
  2. بولة نضع الدقيق والبيكنج و رشة الملح ونصب السوائل ونقلب ونصبها في صينية مدهونة زيت وتكون كبيرة عشان الطبقة تكون مش عالية لأن لسة في طبقات تانية
  3. تدخل الفرن واول ما تطلع نسقيها بكوب الا ربع لبن.. ونسيبها تهدى
  4. نعمل الكاسترد اللبن مع بودرة الكاسترد مع معلقتين قشطة وسكر حسب الرغبة ونقلبه ونسيبه يهدأ ونضع عليه كيس عشان ميعملش قشرة... ونضرب نص كوب كريمة وبعدين نضرب الكاسترد مع الكريمة جيداً
  5. نضع الخليط في كيس ونوزعه بالتساوي على الصينية و نساوية جيداً
  6. نرص فوقه انصاف الفراولة و ندخله الثلاجة يبرد وفي الوقت دة نعمل 2 باكو جيلي في 2 كوب ماء ونسيبهم يبردوا وبعد ساعة نصبهم فوق الوجه و ندخلها الثلاجة 3 او 4 ساعات وتتاكل بالف هنا
  7. طرية وخفيفة وحلوة جداً
  8. صحة و افية
  9. جربوها هتحبوها اوي
عجبتك الوصفة؟
شوف كل وصفاتنا في مكان واحد
كل الوصفات →