→ كل الوصفات
جاتوه بسيط و لذيذ..يتميز بنكهة البرتقال و كريمة خفيفة تتوافق مع مذاق الكيك الهش..يمكن تقديمها للضيوف او تناولها كتحلية خفيفة مع عصير..
المقادير
- 3 كوب دقيق
- 4 معالق صغيرة بيكنج باودر
- 3/4 كوب زيت على سمنة
- كوب سكر (لحلاوة معتدلة)
- كوب ماء
- كيس عصير باودر صغير بنكهة البرتقال (معلقتين كبار)
- 2 بيضة كبيرة أو 3 بيضات وسط +رشة فانيليا
- كيس كريم شانتيه يحضر بالطريقة المكتوبة علي الكيس..يمكن عمله بماء إذا لم يتوافر لبن
- معلقتين سبرنكلز
- معلقة الوان طعام سائلة
طريقة التحضير
- نشغل الفرن على حرارة 180
- ننخل الدقيق مع البيكنج باودر
- نحط باقي مكونات(الزيت والماء و العصير و السكر و البيض) الكيك في الخلاط و نضربهم لحد ما السكر يدوب
- نحط السوائل على الدقيق..منقلبهمش كتير دقيقة او اتنين بالكتير
- نحطهم في صنية مدهونة سمنة..ممكن نرش عليها دقيق مع السمنة.. بس مش بفضل ده بالذات لما اكون هعملها جاتوه
- ندخلها الفرن هتقعد حوالي 30 دقيقة..لو سمحتوا منفتحش في نص وقت الخبز ده هيخليها تهبط..أنا عاملاها في صنية مقاس 28 لو عايزاها اعلى اعمليها في صنية مقاس 26
- لما تبرد هزينها بالكريم شانتيه..بحطه علي الكيك المقلوب..و بحط نقط من أي لون طعام عندي بطريقة عشوائية و بدخلهم مع بعض بعصاية شيش طاووك و بعدين برش سبرنكلز..وده اختياري بتبقى جميلة لوحدها برضو
- بس كده..اتمنى تجربيها و تعجبك..بالهنا..❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد