→ كل الوصفات

كيك سبونج اللى جمالها ما يتوصفش 🍰🎂❤️

ملحوظه المقدار دا عايز صينيه بارتفاع عالى أو حله تورت انا معنديش كدافقسمت نص الكميه في صنيه والنص التاني في صينيه تانى نفس المقاس بالضبط يعنى كل صنيه ٤ بيضات وكل حاجه مكتوبه اخدت نصها بس هتطلع معاكى مظبوطه من أول مره باذن الله ❤️😉

  • 8 بيضات
  • كوب سكر
  • 4 باكيت فانيليا
  • ربع كوب زيت
  • 2 كوب دقيق
  • معلقه كبيره بيكنج بودر
  1. هنفصل الصفار عن البياض مع مراعاة متقعش نقطه صفار في البياض ونضيف ٢ بكت فانيليا على الصفار و٢ باكت فانيليا على البياض ورشه ملح خفيفة
  2. ونص كوب السكر هنحط نص الكوب ع البياض والنص التاني على الصفار وبالمضرب الكهربائي نضرب بياض البيض الأول كويس جدا لحد ما نحصل على قوام ثقيل زى الكريمة بالضبط
  3. وبعدين نضرب صفار البيض لحد ما يفتح لونه وننزل بالصفار على البياض ونقلب من فوق لتحت ونضيف ربع كوب الزيت ونقلب في اتجاه واحد وبمنخل نضيف ٢كوب دقيق مع معلقه كبيره بيكنج بودر وننخل فوق الخليط ونقلب من فوق لتحت حتى يتجانس الخليط وندخلها الفرن على درجة حرارة ١٨٠°
  4. التزيين 😉❤️ بيكون على ذوق كل واحد ٢كوب لبن شانتيه خام مع كوبايه ميه ساقعه جدا وكوب سكر نضرب كويس جدا ونبدا تزين الكيك بتاعنا ودا زى ما قولت على حسب ذوق كل واحد
عجبتك الوصفة؟
شوف كل وصفاتنا في مكان واحد
كل الوصفات →