→ كل الوصفات
وصفة حلوة وسهله وتنفع تتحط ف لانش بوكس ع اقل صحية وف بيت وتقدري تقطعيها وتحطيها لاولادك بإذن الله هتعجبكم جدا♥️
المقادير
- 2/3 كوب زبدة (مايعادل 150 جرام)
- 3/4 كوب سكر (مايعادل 170 جرام+ م ك)
- 3 بيضه حجم كبير
- م ص فانيليا (مايعادل 5 جرام)
- 1/2 (1 كوب) دقيق (مايعادل 175 جرام)
- 1/4 (1 م ص) بيكنج بودر (مايعادل 5 جرام)
- رشة ملح
- 2 م ك حليب (مايعادل 30 جرام)
- 2 م ك كاكاو غير محلى خام (مايعادل 16 جرام)
- 2 م ك حليب ساخن (مايعادل 30 جرام)
- م ص نكهة لوز (روح لوز ومايعادل 5 جرام)
- مربى مشمش حسب الرغبه
- صوص شوكولاتة لدهن الكيك
طريقة التحضير
- لعمل خليط الكيك: ف بولة هنخلط الدقيق مع الملح وبيكنج بودر مع بعض كويس
- وفي بولة تانيه هحط زبدة وهضربها بالمضرب الكهربائي لحد ماتبقي كريمي وانزل بالسكر واضربهم لمدة ٥ دقايق لحد مايختلطوا وتلاقي سكر داب
- انزل بالبيضه الاولى واضربهم كويس وبعدين انزل بالتانية واخلطهم وبعدين ٣ واخلطهم كويس وبعدين احط فانيليا واضرب كويس اوي
- بعدين انزل بالنص الاول من خليط الدقيق والملح وبيكنج بودر واخلطهم كويس اوووي مع بعض وانزل بمعلقتين كبار حليب واخلط وبعدين انزل النص التاني من الدقيق واخلطهم كويس اوي لحد ماتلاقيهم اتجانسوا تماماً
- هقسم الخليط نصين نص الاول هحط فيه روح اللوز ولو مش عندك خلي الخليط زي ماهو مش مهم اما النص التاني هدوب الكاكاو مع معلقتين كبار حليب ساخن وانزل بيهم ع النص تاني واخلطهم مع بعض كويس اوي
- عندك طريقتين لعمل كيكة دي الطريقة الاولى السهلة بس هتديكي شكل مش هتبقى مظبوط شوية: هتدهني قالب مستطيل وترشي دقيق خفيف و بعدين هتجيبي اتنين كيس حلواني و احد فيه خليط كيك الفاتح و التاني فيه خليط الكاكاو وهتروحي عامله صاف بالكاكاو جنبه صف بالفاتح وفوقهم هنعكس يعني اللي فيه كاكاو هيكون فوقه الفاتح والتاني هيكون فوقه بالكاكاو وهندخلهم فرن مسخن مسبقا واول لما يستوي هتطلعيه و تسبيه يبرد وتقطعيه وتقديمه وبألف هنا ♥️
- طريقة تانيه : هندهن قالب كيك مستطيل ونحط ورق زبده بس هنفصل ورق زبده بورق فويل علشان يكون القالب مقسوم نصين ونحط ف كل نص فيهم خليط علشان يكون عندي كيك باللوز وكيك بالكاكاو
- هندخله الفرن متسخن مسبقاً ولما يستوي هنسيبها تبرد وبعدين هنقطع زوايد ونساوي كيك ببعض ونقسمهم نصين علشان يديكي ٤ صفوف ٢ كاكاو ٢ فاتح
- هندهن الصفوف بالمربى ونلزقهم مع بعض ع شكل شطرنج وبعدين هعمل صوص شوكولاته او اي حاجه تحبيها ممكن تعملي عجينة المارزبان وتعملي غلاف للكيك وندخله تلاجه لو ف حاله صوص شوكولاته علشان يتماسك ويتقطع وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد