→ كل الوصفات
تحلية ..بتبقى حلوة مع القهوة ..او ممكن مشروب غازي..بتكون حلوة لوحدها عموما..😄
المقادير
- 2.5 كوب دقيق و رشة ملح
- 4 معالق صغيرة بيكنج بادر
- كوب سكر
- 3/4 كوب زيت علي سمنة او زبدة (لينة او سايحة)
- كوب ماء او لبن او ممكن ميكس
- معلقة كبيرة (قهوة سريعة الذوبان)(اختياري)
- 3 بيضات+فانيليا
- 1/2 كوب كاكاو (استخدمت كاكاو محلى)
- كوب ونص لبن..ممكن نستخدم ميكس او ماء فقط بتبقى حلوة عموما
- 2 معلقة كبيرة كاكاو
- 2 معلقة صغيرة نسكافيه (اختياري)
- 3 معالق كبار سكر (على حسب الذوق و كمان على حسب استخدمنا لبن او ميه)
- 2 معلقة كبيرة دقيق (مش هرمية و مش ممسوحة وسط)(ده اللي هيخلي الصوصعامل زي البودنج مش شبه المهلبية)
- معلقة كبيرة نشا (مش هرمية ولا ممسوحة ،وسط)
طريقة التحضير
- شغلي الفرن علي 180
- في الخلاط (البيض ،اللبن،السكر،الزيت+السمنة،الكاكاو،القهوة سريعة الذوبان)
- ادهني الصنية زبدة او سمنة و بطنيها بالدقيق..معلقة دقيق كفاية و ممكن تحطي معلقة صغيرة كاكاو على معلقة صغيرة دقيق لو عايزاها غامقة من تحت
- في طبق غويط إنخلي الدقيق مع البيكنج باودر و رشة ملح
- حطي اللي في الخلاط على المكونات الجافة متضربهمش اكتر من دقيقة او دقيتين بالكتير عشان متبقاش مكتومة
- حطي خليط الكيك في الصنية..أنا عاملاها في صنية مقاس 28 لو عايزاها اعلي خليها 26 هتقعد حوالي 1/2 ساعة في الفرن
- الصوص بقى..حطي المكونات كلها على بعض على البارد..و قلبيهم واتأكدي أن مفيش تكتلات..حطوا الخليط علي نار هادئة وقلبيه لحد مايغلي
- ميزة الصوص ده انه مش بيعمل وش..بيبقي كريمي أوي
- حطي بقى الصوص على الكيك لما تهدى..و ممكن تزوقي بسبلنكز او شوكولاتة مبشورة
- بتبقى حلوة وهشة و القهوة فيها بتعزز الطعم مش اكتر
- بس كده..اتمنى أنك تجربيها و تعجبك..بالهنا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد