→ كل الوصفات

كيك شوكولاته بدون بيض ، هش و لذيذ زي الكيك العادي 🍫🍰✨

ما هو كلنا بنحب الكيك بس هو البيض غلى بصراحه ، مناكلش كيك بقى ؟ 😂 ، لا طبعاً هناكل كيك بس من غير ، و علشان كمان الناس العندهم حساسيه من البيض 🥰، و ممكن حد يكون نفسه في كيك و موجود كل المكونات و مفيش بيض ، يعمل بقى الوصفه دى 🤓🤝⁦❤️⁩.

  • كوب حليب
  • كوب الا ربع سكر ، ممكن اقل او اكتر على حسب الذوق
  • ⅓ كوب زيت
  • كوب و ثلثين دقيق
  • م ص بيكنج بودر
  • ⅓ كوب كاكاو خام
  • رشه ملح
  • شوكولاته
  • نسكافيه (قهوة سريعة الذوبان)
  1. نحط السكر و الزيت و اللبن و نقلب ، و بعدان نضيف كل المكونات الجافه و نقلب و نحطه في صينية صغيرة مدهونة ، و على جنب هنعمل الصوص ، و طبعاً مش لازم خالص ، وممكن نستبدله بأي صوص احنا عايزينه ، انا بحب اعمل الطريقه بتاعت السكر و الكاكاو و اللبن ، و الزيت بالسرسوب و الخلاط شغال ، بس دى اسهل 😁
  2. هتطلع و نحط الصوص بعد لما تبرد ، هقول تحذير بس لازم نخلى بالنا ان الصينية تكون مقاس صغير ، او نضعف الكميةمرتين مثلا و نعمل صينية كبيره ، ممكن نضاعف مره واحدة ، بصراحه مش عارفه بالظبط بس تقريبا الصينية مقاس 20 ، علشان لو حطيتوا المقادير دى في صينية كبيره هتبقا طبقة رفيعه و غالبا هتتحرق ، ولو زودتوا زياده هتعلى اوي عن الصينية و مش هتتسوى ، و طبعاً لازم فرن ساخن مسبقا و مش كل شويه نفتح الفرن ، هتقعد حوالي 25 دقيقه ، بالهنا و الشفا 🥺⁦🤎
عجبتك الوصفة؟
شوف كل وصفاتنا في مكان واحد
كل الوصفات →