→ كل الوصفات

كيك طبقات بالكريمة وبسكويت الأوريو 😋❤️

كيك شوكولاتة🍫 سهل وبسيط وعلية طبقة من الكريمة وطبقة من بسكويت الأوريو ميكس رائع جداً بين الكيك والكريمة والبسكويت طعمها حلو أوي😋 بجد لازم تجربيها وتشوفي بنفسك الطعم التحفه🤩👌🏻

  • 1 كوب كريم شانتيه
  • 3 باكيت بسكويت أوريو
  • 1 ونصف كوب دقيق
  • 3 ملاعق كبيرة كاكاو خام
  • 1 ملعقة كبيرة بيكنج بودر
  • 1 بيضة
  • 1/4 كوب زيت
  • 3/4 كوب حليب
  • 1 كوب سكر
  • 1 ملعقة صغيرة فانيليا سائلة
  • 1 ملعقة صغيرة نسكافيه
  • 1/2 كوب ماء ساخن
  1. أولاً لتحضير الكيك جيبي طبق غويط وحوطي فية الدقيق والبيكنج بودر والكاكاو الخام وقلبيهم مع بعض كويس جداً 😍
  2. جيبي الخلاط الكهربائي وحوطي فية الحليب والبيضة والسكر والفانيليا السائلة والزيت وملعقة النسكافيه وأخلطيهم مع بعض كويس جداً 😍
  3. ضيفي الخليط السائل الموجود في الخلاط على الدقيق وقلبيهم مع بعض وبعد كدة ضيفي الماء الساخن على الخليط وقلبيهم مع بعض كويس بمضرب سلك يدوي 😍
  4. جيبي صينية مستطيلة أو بايركس وإدهني الصينية بالزيت وحوطي فيها خليط الكيك ودخلي الصينية الفرن بعد كدة على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
  5. حضري بئا الكريمة جيبي طبق غويط وحوطي فية الكريم شانتيه وكوب حليب مثلج وأخلطيهم مع بعض كويس جداً بمضرب كهربائي وبعد كدة ضيفي الكريمة على كيك الشوكولاتة وزعيها كويس فوق الكيك 😍
  6. جيبي بسكويت الأوريو وكسري البسكويت بأي حاجة مناسبة وكسري البسكويت وهو جوه الكيس عشان يسهل عليكي إنك توزعيه من الكيس على طول وبعد كدة وزعي بسكويت الأوريو فوق الكيك ودخلي الصينية الثلاجة لمدة نصف ساعة 😍
  7. قطعي بئا الكيك وقدمية مع فنجان شاي أو قهوة أو نسكافيه☕ وإستمتعي بالطعم التحفه🤩 بجد طعم الكيكة دي وهمي جربيها أكيد هتعجبك وبالعافية عليكي حبيبتي 😘❤️❤️
  8. 😋😋😋😋😋😋
  9. 😋😋😋😋😋😋😍
عجبتك الوصفة؟
شوف كل وصفاتنا في مكان واحد
كل الوصفات →