→ كل الوصفات
وصفه سهلة ومش هتاخد وقت وهتعملوا احلى كيك فانيليا، متأكده انها هتعجبكم ان شاء الله وهتكون طريقة الكيك المعتمده، التصوير ظلمها وانا مكنتش قادره اصور كويس بس بجد هي شكلها احلى من كده، هتطلع معاكم هشه ومرتفعه وخفيفه ومنغير زبدة وحاجه تحفه كده 💫
المقادير
- 4 بيض
- 2 باكت فانيليا
- كوب : كوب ونص سكر
- كوب الا ربع زيت
- كوب لبن دافي
- ذرة ملح
- باكت بيكنج بودر
- 2 و نص كوب دقيق
طريقة التحضير
- يلا بسم الله نبدأ مع بعض، اول حاجه هنحط البيض وعليه الفانيليا والسكر ونقلب كويس لغايه لما لونه يدون افتح، و لو عايزين فانيليا برتقال عادي (معنديش فكره اي النقطه السوداء الفى البيض دي بس عادي اعملوا نفسكوا مش واخدين بالكوا 😂)
- نحط عليهم الزيت ونكمل تقليب ونقدر نحط سمنه بدل زيت بس الكيك بيخليها اخف وانا بفضل الزيت يعني
- نضيف اللبن الدافي، ميكونش سخن ولا ساقع يعني ندفى على النار، و بعدان نقلب ونحط المكونات الجافه (الدقيق والبيكنج بودر والملح) و نقلب في اتجاه واحد
- و نبطن الصينية بقى (ندهن سمنه وعليها دقيق) و ندخلها فرن ساخن مسبقا، تسيبوها شويه وبعدان تروحوا تشوفوا استوت ولا لا، بس المفروض لما تستوي ريحتها هتطلع وهتملي البيت 😍
- و ده شكلها بعد ما قلبتها، نقطعها ونالكلها وبألف هنا 🥰❤️❤️❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد