→ كل الوصفات

كيك كاسترد ٣ طبقات

طريقة عمل كيك كاسترد ٣ طبقات سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 بيضة صغيرة او بيضة كبيره
  • فانيليا
  • 1/2 كوب لبن
  • 1/2 كوب سكر
  • 1/4 كوب زيت
  • 1 كوب دقيق
  • بيكنج بودر
  • رشه ملح
  • نص كوب لبن لتسقيه الكيك بعد خروجه من الفرن
  • 2 كوب ونص لبن
  • 4 معلقه كبيره كاسترد
  • 3 معلقه كبيره سكر
  • 3 معلقه كبيره كريم شانتيه خام
  • باكت جيلي فراوله
  • 2 معلقه كبيره سكر
  • 1/2 كوب ماء مغلي
  • 1/2 وب ماء بارد
  • قطع فراوله
  1. الطبقه الأولى الكيك:في الخلاط نضيف البيض والفانيليا والسكر واللبن والزيت ونضربهم كويس وبعدين في بوله كبيره ننخل الدقيق ونضيف عليه البيكنج بودر ورشه الملح وبعدين ننزل في البوله الخليط اللي خلطناه في الخلاط ونقلبهم ببعض حتى يتجانس
  2. ننزل بخليط الكيك في صينية وندخلها فرن مسخن مسبقا على درجه حراره ١٨٠ حتى تمام النضج ثم تخرج من الفرن نسيبها تبرد تماما ثم نقلبها على وجهها الاخر ثم ننزل عليها بنص كوب اللبن
  3. الطبقه الثانيةالكاسترد:نضيف اللبن مع الكاسترد والسكر ونقلب على البارد ثم نرفعه على النار لحد ماقوامه يتماسك ثم نسيبه يبرد تماما ثم ننزل عليه بالكريمة ونضربهم مع بعض وبكده يكون جاهز نفرده فوق الكيك
  4. تجهيز الجيلي :نضيف باكيت الجيلي للماء الساخن والسكر لحد مايدوب خالص ثم ننزل عليهم بنص كوب الماء البارد ثم نتركه يبرد تماما ثم نفرد قطع الفراوله فوق الكاسترد وننزل عليهم بالجيلي ونتركه في الثلاجه الجيلي يتماسك تماما ثم تقطع وتقدم وبالهنا
عجبتك الوصفة؟
شوف كل وصفاتنا في مكان واحد
كل الوصفات →