→ كل الوصفات

كيك موكا 😋💓

كيكة لذيذة😋 جداً وهشة و بطعم تحفة👌هي ميكس بين الشوكولاتة والقهوة جميله مع فنجان قهوة لازم تجربيها 😍

  • 1 ونصف كوب دقيق
  • 1 كوب سكر
  • 3/4 كوب لبن
  • 1/4 كوب زيت
  • 1 بيضة
  • 3 ملاعق كبيرة كاكاو خام
  • 1/2 كوب ماء ساخن
  • 2 ملعقة صغيرة نسكافيه
  • 1 ملعقة كبيرة بيكنج بودر
  • 1 كيس فانيليا
  • كريم شانتيه بالشوكولاتة
  • 1 ملعقة صغيرة نسكافيه
  • مارشيملو
  • شوكولاته مبشورة
  1. أولا في الخلاط حوطي البيضه والسكر واللبن والزيت والخل والفانيليا واخلطيهم مع بعض كويس جداً 😍
  2. جيبي طبق غويط وحوطي فيه الدقيق والبيكنج بودر والكاكاو وقلبيهم مع بعض كويس وبعد كدة حوطي الخليط إللي في الخلاط على الدقيق وقلبيهم مع بعض كويس 😍
  3. جيبي 1/2 كوب ماء ساخن جداً وحوطي عليه النسكافيه وقلبيهم مع بعض وبعد كدة ضيفي الماء لخليط الكيك وقلبيهم مع بعض 😍
  4. جيبي صينية وأدهنيها بالزيت وحوطي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما يستوي الكيك خرجية من الفرن وسيبية يبرد 😍
  5. زيني الكيك بعد كدة بالكريم شانتيه ضيفي على الكريم شانتيه ملعقة النسكافيه وإنتي بتضربية بالمضرب الكهربائي مع اللبن المثلج عشان تكون الكريمة بطعم القهوة وبعد كدة رشي عليها شوكولاتة مبشورة وزيني بالمارشيملو وممكن تزيني الكيك بأي حاجة عندك وقدمية بعد كدة مع فنجان قهوة☕ بجد رووووعه جربيه هيعجبك جداً👌 وبالعافية عليكي حبيبتي 😘💞🌹
  6. 😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →