→ كل الوصفات

لابيري بالدجاج

إن الله يدبر أمر النملة السوداء على الصخرة الصماء في الليلة الظلماء ، فاطمئن.

  • 4 حبات بطاطا
  • م.ص زبدة أو زيت زيتون أفضل
  • فنجال حليب
  • 🛑 لتتبيلة الدجاج
  • 2 كلغ أجنحة ، (أو: أفخاذ🍗
  • م ك طماطم
  • 6 فصوص ثوم
  • توابل متنوعة
  • م ص زعيترة
  • علبة ناتير (إختياري)
  • 1/2 م ك ملح (أو: أقل من النصف)
  • 2 م ك.خل أو ليمون🍋
  • فنجال زيت. فنجال ماء
  1. نسلق البطاطا مع رشة ملح ، ثم نحي منها الماء ونمعسها بفرشيطة (أو: بمعاسة البطاطا) وهي ساخنة💕 ونزيدلها فنجال الماء اللي طابت فيه + شوي حليب +م.زيت زيتون ، أو:زبدة، نخلط، وصارت جاهزة😋
  2. ويمكن كي تطيب نقطرها ونزيدلها قطع جبن +م..زبدة + كأس حليب و نميكسيها بمكسور أو باتور⚡
  3. 💥تحضير 2 كلغ أجنحة: نشوطهم قليلا فوق مشبك(إختياري) ، المهم :نقيهم ونغسلهم.ثم نلوحهم فالتتبيلة السابقة ، نتبلهم. ثم نلوح فنجال ماء فقط فالأخير فالجانب تع الكوكوط ونغلقها، يطيبو لمدة 1سا ، على نار هادئة.ثم نحمرهم فزيت وزبدة (إختياري). 👈 أو : (نقليهم بشكل كنتاكي..هو بحسابي). 👈أو: نقدمهم بدون قلي كما في الصورة👍
  4. هذه بزيت الزيتون🌿🥰
  5. ويمكن نحضر لاصوص بقطعتين دجاج فقط🍗🍗.. (أو: صوص لفوقاني لأي مرق باللحم... 👈أو : نقدم لابيري وفوقها كبدة مقلية🥰 👈أو علبة تونة(بطماطم أو بزيت)🐟 👈أو صدر دجاج... 👈والبعض يحبها مع قوانص مقلية. وبالصحة والعافية🌿🌿 🌹🌹🌹🌹🌹🌹🌹🌹🌹🌹🌹🌹🌹
  6. 💥الطريقة (2) : فمقلة نحمر قطع نصف صدر دجاج (على نار قاوية) ونضيف له فصين ثوم +م.ص طماطم + ملح وتوابل ، نقليهم مليح ونمرق بماء ساخن. ونخليه يطيب. -ونسلق حبتين بطاطا نخلي فيها شوي من الماء اللي طابت فيه ونزيدلها: 3 مثلثات جبن + 2م.ك حليب غبرة ونرحيها، ونقدمها مع لاصوص بالصدر😋
  7. ووصفةالأجنحة المذكورة تقدري تحضري بها أيضا وصفة أخرى: كيطيبو حطيهم فوق روز طايب نص طياب مع (م.ص كركم) ، و اعدلي المرق سقيه ، والأجنحة ادهنيهم بزبدة أو: زيت مع عكري احمر ولوحيه فالفرن
عجبتك الوصفة؟
شوف كل وصفاتنا في مكان واحد
كل الوصفات →