→ كل الوصفات
#مريولي_باسمي استخدمت مكون جبنة الموتزاريلا. وصفة مختلفة شوي لانة هاي المرة رح اعملها بالدجاج المفروم وليس باللحم المفروم. عندي صديقة الي ما لتاكل لحمة كتير وقالتلي انة ما عم تقدر تشتريها لانة ما عم بتلاقيها بالدجاج. قلتلا ولا يهمك انا رح اعملك اطيب لازانيا بالدجاج 🥰.
المقادير
- القليل من زيت زيتون لدهن صينية الفرن
- من 9 الي 12 شرائح لازانيا حسب الصينية (انا استخدمت اللازانيا التي لا تحتاج الي سلق على طول بتحطيها بالصينية مع باقي المكونات وبتستوي بالفرن)
- كوب جبنة ريكوتا
- بيضة 🥚
- 1/4 كوب جبنة بارميزان مبشورة
- بشر ليمونة 🍋
- 1/2 ملعقة صغيرة ملح
- ½ ملعقة صغيرة فلفل اسود
- صوص البندورة (بإمكانكم استخدام صوص البيتزا)
- 500 جرام دجاج مفروم
- 1/2 كوب جبنة موتزاريلا
- بصلة مفرومة 🧅
- 2 حص ثوم مفروم 🧄
طريقة التحضير
- امسحي صينية فرن مسحة خفيفة بزيت الزيتون وضعيها جانبا لحين الاستعمال. اطهي شرائح اللازانيا او بإمكانك استخدام اللازانيا التي لا تحتاج لسلق مثل ما فعلت انا
- في وعاء متوسط الحجم اخلطي كلا من جبنة الريكوتا، البيضة، جبنة البارميزان، بشر الليمون، الملح والفلفل الاسود وضعيهم جانبا لحين الاستعمال
- سخني الفرن على حرارة ٣٧٥ فهرنهايت ومن ثم احضري مقلاة متوسطة الحجم واضيفي زيت الزيتون. اضيفي كلا من البصل المفروم والثوم وقلبيهم جيداً. اضيفي الدجاج المفروم وقلبيهم الي ان يستوي. تبلي بالملح والفلفل الاسود وقلبي مجددا
- في صينية الفرن اضيفي كمية بسيطة من صوص البندورة ووزعيها في الصينية ومن ثم اضيفي شرائح اللازانيا بجانب بعضهم. اضيفي المزيد من صوص البندورة ويليها خليط الريكوتا، خليط الدجاج ومن ثم جبنة الموتزاريلا
- كرري هذة العملية حتى انتهاء الكمية وهي طبقة لازانيا، طبقة صوص، خليط جبنة الريكوتا، خليط الدجاج واخيرا رشة الموتزاريلا. اجعلي اخر طبقة تكون جبنة موتزاريلا حتى تتحمر من الاعلى
- ادخلي الصينية للفرن لحوالي ٤٥ دقيقة او الي ان تذوب الجبنة وتصبح ذهبية اللون. انا لاني عم بستخدم اللازانيا الفورية لازم اغطي الصينية بورق قصدير واتركها ٥٠ دقيقة وبعدين اشيل ورق القصدير وادخلها الفرن ل ١٠ دقائق زيادة
- ضعي الصينية جانبا لكي تبرد اللازانيا قليلا لحوالي ١٠ دقائق. قطعيها وقدميها في اطباق التقديم بجانب السلطة وبالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد